Chhattisgarh Election : છત્તીસગઢમાં બીજેપીએ મેનિફેસ્ટો લોંચ કર્યો, જનતા સામે આ મોટા વાયદા કર્યા

પાંચ રાજ્યોની ચૂંટણીમાં હાર ભાળી ગયેલી બીજેપીએ હવે ચૂંટણી જીતવા માટે વાયદાઓનો વરસાદ કર્યો છે. આ ક્રમમાં જ બીજેપીએ છત્તીસગઢમાં જનતા સામે મોટા વાયદા કર્યા છે.

કેન્દ્રિય ગૃહમંત્રી અમિત શાહે રાયપુરમાં બીજેપી કાર્યશાળા સંકુલમાં બીજેપીનો મેનિફેસ્ટો જનતા સામે મુક્યો હતો.

મેનિફેસ્ટો જાહેર કર્યા બાદ અમિત શાહે કહ્યું કે, આગામી 5 વર્ષમાં અમે છત્તીસગઢને સૌથી વિકસિત રાજ્ય બનાવીશું. અમારી સરકારે 15 વર્ષ સુધી રાજ્યના વિકાસ માટે ઘણા કામ કર્યા. ઘણી યોજનાઓ છત્તીસગઢથી શરૂ થઈ.

અમિત શાહે કહ્યું કહ્યું કે, પંચાયત ચૂંટણીમાં મહિલાઓને 50 ટકા અનામત આપવાની શરૂઆત છત્તીસગઢથી થઈ છે. અમારી સરકારે પાવર સર પ્લસ સ્ટેટ બનાવ્યું છે. ગૃહમંત્રીએ કહ્યું કે, 2 વર્ષમાં 1 લાખ પોસ્ટ પર નવી નોકરીઓનું સર્જન થશે.

તેમણે આગળ કહ્યું કે, અમારી સરકારે 2 થી 15 મેડિકલ કોલેજનો વિસ્તાર કર્યો છે. આ ઉપરાંત 50 એન્જિનિયરિંગ કોલેજો પણ પહોંચી છે. 2 થી 16 સુધી મેનેજમેન્ટ કોલેજો શરૂ કરવામાં આવી છે. આ સિવાય 42 એકલવ્ય શાળાઓ બનાવવામાં આવી છે.

ગૃહમંત્રીએ કહ્યું કે, છત્તીસગઢના વિકાસમાં સૌથી મોટો અવરોધ ભૂપેશ બઘેલ છે. ભૂપેશ બઘેલ કોંગ્રેસ પાર્ટીના એટીએમ છે. અમિત શાહે કહ્યું કે, અમે લાખો લોકો સાથે ચર્ચા કરીને મેનિફેસ્ટો તૈયાર કર્યો છે.

English summary

Chhattisgarh Election: BJP launched manifesto in Chhattisgarh, made these big promises to the people