છત્તીસગઢમાં મતગણતરી પહેલા નક્સલીઓએ કર્યો IED બ્લાસ્ટ, 2 જવાન ઘાયલ, PLGA સપ્તાહની અસર

Chhattisgarh Dantewada: છત્તીસગઢ વિધાનસભા ચૂંટણીના પરિણામો પહેલા નક્સલવાદીઓએ પોતાની ધાક બતાવી છે. રાજ્યના માઓવાદી પ્રભાવિત દંતેવાડા જિલ્લામાં નક્સલવાદીઓ દ્વારા લગાવવામાં આવેલા આઈઈડી બ્લાસ્ટને કારણે બે જવાનો ઘાયલ થયા છે.

પ્રાપ્ત માહિતી અનુસાર, નક્સલવાદીઓ PLGA સપ્તાહનું આયોજન કરી રહ્યા છે. તેમના કાર્યક્રમ દરમિયાન તેમણે વિવિધ સ્થળોએ બેનરો અને પોસ્ટરો લગાવ્યા છે. આ મામલો બારસૂર પોલીસ સ્ટેશન વિસ્તારનો છે.

જ્યાં બારસૂર પલ્લી રોડની સાતધાર 195 બટાલિયનના જવાનો તેમના સર્ચ ઑપરેશન દરમિયાન નક્સલવાદીઓના બેનરો અને પોસ્ટરો હટાવી રહ્યા હતા, આ દરમિયાન અચાનક IED વિસ્ફોટ થયો, તેની અસરથી બે જવાનો ઘાયલ થઈ ગયા.

પત્રકાર માંડ-માંડ બચ્યો

માહિતી અનુસાર ઘાયલોને તાત્કાલિક હૉસ્પિટલમાં લઈ જવામાં આવ્યા હતા, જ્યાં તેમની સારવાર ચાલી રહી છે. IED બ્લાસ્ટમાં ઘાયલ થયેલા CRPFના બે જવાન સાથે એક પત્રકાર રિકેશ્વર રાણા પણ હાજર હતા, જેઓ સુરક્ષિત છે.

PLGA સપ્તાહ શું છે?

નક્સલવાદીઓ છત્તીસગઢના બસ્તર સહિત તમામ માઓવાદી પ્રભાવિત વિસ્તારોમાં 2 ડિસેમ્બરથી 8 ડિસેમ્બર સુધી પીએલજીએ સપ્તાહની 23મી વર્ષગાંઠની ઉજવણી કરી રહ્યા છે. નક્સલવાદીઓ દર વર્ષે 2થી 8 ડિસેમ્બર દરમિયાન આ સપ્તાહ ઉજવે છે. તમને જણાવી દઈએ કે PLGAનો અર્થ પીપલ્સ લિબરેશન ગેરિલા આર્મી છે. નક્સલવાદીઓએ ગેરિલા યુદ્ધ માટે વર્ષ 2000માં પીએલજીએની સ્થાપના કરી હતી. આ પ્રસંગને યાદ કરીને, નક્સલવાદીઓ દર વર્ષે પીએલજીએનો સ્થાપના દિવસ ઉજવે છે.

English summary

Chhattisgarh: Naxalites carried out IED blast before vote counting, 2 soldiers injured.