'હું માફી માંગુ છુ, મારા શબ્દો પાછા ખેંચુ છુ', સેક્સ એજ્યુકેશન પર આપેલા નિવેદન પર CM નીતિશ કુમારે માંગી માફી
Nitish Kumar Apologises: બિહાર વિધાનસભામાં સેક્સ એજ્યુકેશન વિશે પોતાના વિવાદાસ્પદ નિવેદનને લઈને રાજકીય હંગામા બાદ મુખ્યમંત્રી નીતિશ કુમારે માફી માંગી છે. નીતિશ કુમારે કહ્યું કે તેઓ તેમના શબ્દો પાછા લે છે.
તમને જણાવી દઈએ કે મંગળવારે નીતિશ કુમારે બિહાર વિધાનસભામાં વસ્તી નિયંત્રણને લઈને સેક્સ એજ્યુકેશનનો મુદ્દો ઉઠાવ્યો હતો અને કેટલાક એવા શબ્દોનો ઉપયોગ કર્યો હતો જેના કારણે વિપક્ષોએ તેમને ઘેર્યા હતા. વિરોધ બાદ નીતીશ કુમારે બુધવારે પોતાના શબ્દો પાછા ખેંચી લીધા હતા.
નીતિશ કુમારે પહેલા મીડિયા સામે અને પછી વિધાનસભાની અંદર પોતાના નિવેદન માટે માફી માંગી. નીતિશ કુમારે કહ્યું, 'જો મારી કોઈ વાતને લઈને આટલી ટીકા થઈ રહી છે, તો હું મારું નિવેદન પાછું ખેંચું છું. હું મારા નિવેદન માટે માફી માંગુ છું. જો મારું નિવેદન એટલું ખોટું હતું તો હું પોતે તેની નિંદા કરું છું.
મીડિયા સામે માંગી માફી, જુઓ વીડિયો
#WATCH | Bihar CM Nitish Kumar says, "I apologise & I take back my words..." pic.twitter.com/wRIB1KAI8O
— ANI (@ANI) November 8, 2023
આ પછી બિહાર વિધાનસભાની અંદર પણ નીતિશ કુમારે પોતાનું નિવેદન પાછું ખેંચી લીધું હતું. વિધાનસભામાં વિપક્ષના હોબાળા વચ્ચે નીતિશ કુમારે કહ્યું, 'મેં મીડિયાની સામે મારા નિવેદનની સ્પષ્ટતા કરી છે. ગઈકાલે જ્યારે મેં તે નિવેદન આપ્યું ત્યારે તમે બધા અહીં હાજર હતા અને સંમત થયા હતા. પરંતુ, આ પછી તમને લોકોને ઉપરથી આદેશ આવ્યો હશે કે નીતિશ કુમારની નિંદા કરો, તો જો મારી કોઈ પણ વાત સામે વાંધો હોય તો હું મારા શબ્દો પાછા લઉં છું. અને, જો કોઈ મારી ટીકા કરે છે, તો હું તેને પણ અભિનંદન આપું છું.
વિધાનસભામાં પણ માંગી માફી, જુઓ વીડિયો
#WATCH | "I take my words back, " says Bihar CM Nitish Kumar as opposition leaders protest inside Bihar Assembly pic.twitter.com/VbgolqAhYr
— ANI (@ANI) November 8, 2023
Click it and Unblock the Notifications
Sign in with Google
