કોલસા કૌભાંડમાં પૂર્વ સચિવ એસચી ગુપ્તા અને બે અન્ય અધિકારીઓને 3 વર્ષની સજા
કોલસા કૌભાંડમાં પૂર્વ સચિવ એસચી ગુપ્તા સહિત 3ને 3 વર્ષની જેલ
નવી દિલ્હીઃ દિલ્હીના પટિયાલા હાઉસ કોર્ટે ગેરકાયદેસર રીતે કોલ બ્લૉકની વહેંચણી કરવા મામલામાં કોલસા મંત્રાલયના પૂર્વ સચિવ એચસી ગુપ્તા અને અન્ય બે શખ્સને ત્રણ વર્ષની સજા સંભળાવી છે. આ મામલામાં બે અન્ય લોકોને કોર્ટે ચાર વર્ષની સજા ફટકારી છે. અદાલતે કોલસા વહેંચણી કૌભાંડમાં પૂર્વ સચિવ સહિત પાંચ લોકોને દોષિત જાહેર કર્યા હતા. જેના પર બુધવારે સજા સંભળાવવામાં આવી છે.
પટિયાલા હાઉસ કોર્ટના સ્પેશિયલ સીબીઆઈ જજ ભારત પરાશરે કોલસા કૌભાંડ મામલામાં ભ્રષ્ટાચાર અને ગુનાહિત ષડયંત્ર રચવાના મામલામાં સજા સંભળાવી છે. પૂર્વ સચિવ એચસી ગુપ્તાની સાથોસાથ કોલસા મંત્રાલયના રિટાયર્ડ ડિરેક્ટર કે.સી. સમરિયા અને કોલસા મંત્રાલયમાં એ સમયે સંયુક્ત સચિવ કે.એસ. ક્રોફાને પણ ત્રણ વર્ષની સજા અને 50 હજારનો દંડ ફટકાર્યો છે. જ્યારે ખાનગી કંપની વિકાસ મેટલ્સ એન્ડ પાવર લિમિટેડના પ્રમોટર વિકાશ પટની અને એમના સહયોગી આનંદ મહિલને 4 વર્ષની સજા ફટકારી છે.
સજા સંભળાવ્યા બાદ પૂર્વ સચિવ એચ.સી. ગુપ્તા, સી સમરિયા અને કે.એસ.ક્રોફાએ અદાલત પાસેથી જામીન માંગ્યા હતા, જે મંજૂર કરી દેવામાં આવ્યા છે. ત્રણેયને પટિયાલા હાઉસ કોર્ટે એક લાખના બોન્ડ પર જમાનત આપી છે. વિકાશ મેટલ્સ એન્ડ પાવર લિમિટેડ કો પશ્ચિમ બંગાળ સ્થિત મોરિયા અને મધુજોડ માં સ્થિત કોલસા ખાણના નિયમોની વિરુદ્ધ જઈ વહેંચણી કરી હતી. આ મામલામાં સીબીઆઈએ સપ્ટેમ્બર 2012માં કેસ દાખલ કર્યો હતો.
આ પણ વાંચો- યૂપીના ડીજીપી બોલ્યા- બુલંદશહર સિંહા પાછળ મોટું ષડયંત્ર
Click it and Unblock the Notifications
Sign in with Google
