અમેઠીથી કોંગ્રેસે ગાંધી પરિવાર નહીં પણ આ વ્યક્તિ લડશે લોકસભા ચૂંટણી
Lok Sabha election: રાયબરેલી અને અમેઠીમાંથી કોંગ્રેસના ઉમેદવાર કોણ હશે? આ અંગે સસ્પેન્સનો અંત આવ્યો છે. પક્ષે નામાંકનના છેલ્લા દિવસે શુક્રવારના રોજ એક નવી યાદી બહાર પાડી છે, અને આ બે બેઠકો પરના ઉમેદવારોના નામની જાહેરાત કરી છે.
કોંગ્રેસ નેતા રાહુલ ગાંધી રાયબરેલીથી લોકસભાની ચૂંટણી લડશે, જ્યારે કોંગ્રેસ પાર્ટીએ ગાંધી પરિવારના નજીકના કેએલ શર્માને અમેઠીથી મેદાનમાં ઉતાર્યા છે.
રાહુલ ગાંધી આજે જ ઉમેદવારી પત્ર ભરશે. જેને લઈને કોંગ્રેસ કાર્યાલયમાં તૈયારીઓ શરૂ થઈ ગઈ છે. બીજી તરફ કેએલ શર્માએ જણાવ્યું હતું કે, તેમને હજુ સુધી તેમની ઉમેદવારી અંગે માહિતી મળી નથી.
કોણ છે કેએલ શર્મા? - કેએલ શર્મા મૂળ લુધિયાણાના રહેવાસી છે, અને લાંબા સમયથી ગાંધી પરિવારની નજીક છે. અમેઠી અને રાયબરેલીમાં તેઓ ચૂંટણી વ્યૂહરચના બનાવવા અને અમલમાં મૂકવાનું કામ કરી રહ્યા છે. અત્યાર સુધી તેઓ સંપૂર્ણપણે રાયબરેલીની જવાબદારી નિભાવી રહ્યા છે.
નોંધનીય બાબત છે કે, અમેઠીમાં છેલ્લી બે ચૂંટણીઓમાં, ભોપાલ નિવાસી રાહુલના નજીકના નેતા ચંદ્રકાંત દુબે તેમના બદલે કમાન સંભાળી રહ્યા છે. જોકે, આ વખતે તે દેખાતો નથી. સોનિયા માટે કિશોરી લાલને ચાણક્યની ભૂમિકા ભજવવા માટે માનવામાં આવે છે.
Click it and Unblock the Notifications
Sign in with Google
