અરુણ જેટલીની કોલ ડિટેલ્સ માંગનાર કોંસ્ટેબલની ધરપકડ

Published: Saturday, February 16, 2013, 12:05 [IST]

નવી દિલ્હી, 16 ફેબ્રુઆરી: દિલ્હી પોલીસના એક કોંસ્ટેબલના એસીપીના આઇડી પરથી મોબાઇલ સર્વિસ પ્રોવાઇડરને મેલ કરીને અરુણ જેટલીની કોલ ડિટેઇલ માંગી હતી. તેની જાણકારી મળતા પોલીસે આ કોંસ્ટેબલની ધરપકડ કરી લીધી છે.

પોલીસના જણાવ્યા અનુસાર 32 વર્ષીય અરવિંદ ડબાસની ગઇકાલે રાત્રે ધરપકડ કરી લાવામાં આવી છે. તેમણે જણાવ્યું કે અરૂણ જેટલીની કોલ ડિટેઇલને મેળવવાનો પ્રયાસ કરી રહેલા અન્ય બેની પણ પૂછપરછ કરવામાં આવી રહી છે.

આ ઉપરાંત ક્રાઇમ બ્રાંચમાંથી પણ જેટલીના કોલ રેકોર્ડ્સ માગવામાં આવ્યો હતો. સમાચાર એ પણ છે કે બે વાર નવી દિલ્હીથી પણ રાજ્યસભામાં વિપક્ષના નેતાની કોલ ડિટેલ્સ માગવામાં આવી હતી. જોકે સર્વિસ પ્રોવાઇડરે કંપનીએ જેટલીના કોલ ડિટેલ્સ આપી દીધી હતી. આ મામલે અત્યારસુધી ચાર પોલીસ સ્ટેશન શંકાના વમળમાં છે.

Published On February 16, 2013