કોરોના વાયરસ ચીનની વુહાન લેબમાંથી જ લીક થયો છે-અમેરિકા
અમેરિકી રિપબ્લિકન પાર્ટી દ્વારા સોમવારે બહાર પાડવામાં આવેલા અહેવાલમાં દાવો કરવામાં આવ્યો છે કે કોરોના વાયરસ, જેણે સમગ્ર વિશ્વમાં લાખો લોકોનો જીવ લીધો છે તે ચીનની વુહાન લેબમાંથી લીક થયો છે.
અમેરિકી રિપબ્લિકન પાર્ટી દ્વારા સોમવારે બહાર પાડવામાં આવેલા અહેવાલમાં દાવો કરવામાં આવ્યો છે કે કોરોના વાયરસ, જેણે સમગ્ર વિશ્વમાં લાખો લોકોનો જીવ લીધો છે તે ચીનની વુહાન લેબમાંથી લીક થયો છે. રિપોર્ટમાં એવો પણ દાવો કરવામાં આવ્યો છે કે ચીનના વૈજ્ઞાનિકોએ લોકોને સંક્રમિત કરવા માટે આ વાયરસમાં ફેરફાર પણ કર્યો છે. હાઉસ ફોરેન અફેર્સ કમિટીના ટોચના રિપબ્લિકન પ્રતિનિધિ માઇક મેકકોલ દ્વારા રિપોર્ટ બહાર પાડવામાં આવ્યો હતો. તેમણે કોરોનાના મૂળની નિષ્પક્ષ તપાસની માંગ કરી છે. તેમણે કહ્યું કે વાયરસની ઉત્પત્તિની નિષ્પક્ષ તપાસ થવી જોઈએ, જેણે વિશ્વભરમાં 4.4 મિલિયન લોકોને માર્યા છે.
ઉલ્લેખનિય છે કે કોરોનાનો પહેલો કેસ વર્ષ 2019 માં ચીનના વુહાન શહેરમાં નોંધાયો હતો. જો કે, ચીને વુહાન લેબમાંથી કોરોના લીક અને સંશોધિત થયો હોવાનો સ્પષ્ટ ઇન્કાર કર્યો છે. બીજી તરફ કેટલાક નિષ્ણાતો માને છે કે આ વાયરસ વુહાનની લેબ નજીક સ્થિત એક શી ફૂડ માર્કેટમાંથી ફેલાયો છે. એપ્રિલમાં, અમેરિકાની ટોચની ગુપ્તચર એજન્સીએ કહ્યું હતું કે તે વૈજ્ઞાનિક રીતે સાબિત થયું છે કે આ વાયરસ માનવસર્જિત નથી કે તેમાં કોઈ ફેરફાર કરવામાં આવ્યો નથી.
અમેરિકી રાષ્ટ્રપતિએ તપાસના આદેશ આપ્યા
અમે તમને જણાવી દઈએ કે મે મહિનામાં, યુએસ પ્રમુખ જો બાઈડને ગુપ્તચર એજન્સીઓને વહેલામાં વહેલી તકે વાયરસની ઉત્પત્તિ શોધવા અને 90 દિવસની અંદર તેનો અહેવાલ રજૂ કરવા કહ્યું હતું. તે જ સમયે, ગુપ્તચર એજન્સીઓની તપાસથી પરિચિત સૂત્રએ જણાવ્યું હતું કે યુએસ ગુપ્તચર એજન્સીઓ વાયરસ પ્રાણીઓમાંથી આવ્યો છે કે વુહાન લેબમાંથી તેને લઈને હજી સુધી કોઈ નિષ્કર્ષ પર પહોંચી નથી.
Click it and Unblock the Notifications
Sign in with Google
