કોરોનાથી મોતના આંકડા ડરાવનારા, ભારતમાં 1 દિવસમાં સૌથી વધુ 4187 મોત, 4.01 લાખ નવા કેસ
દેશમાં કોરોના વાયરસ મહામારીનો કહેર ઘટવાનુ નામ નથી લઈ રહ્યો. દેશમાં રોજ કોરોના વાયરસના રેકૉર્ડ તોડ કેસો સામે આવી રહ્યા છે.
નવી દિલ્લીઃ દેશમાં કોરોના વાયરસ મહામારીનો કહેર ઘટવાનુ નામ નથી લઈ રહ્યો. દેશમાં રોજ કોરોના વાયરસના રેકૉર્ડ તોડ કેસો સામે આવી રહ્યા છે. શનિવારે(8 મે)ના રોજ ભારતમાં એક દિવસમાં સૌથી વધુ 4187 મોત થયા છે. દેશમાં આ પહેલા ક્યારેય 24 કલાકમાં આટલા વધુ લોકોના મોત કોવિડ-19ના કારણે નહોતા થયા. કેન્દ્રીય આરોગ્ય તેમજ પરિવાર કલ્યાણ મંત્રાલય તરફથી જાહેર કરાયેલ આંકડા મુજબ દેશમાં 24 કલાકમાં કોરોના વાયરસના 4,01,078 નવા કેસ મળ્યા છે અને 4,187 લોકોના મોત થયા છે. વળી, 3,18,609 લોકો રિકવર થયા છે. દેશમાં કોવિડ-19થી અત્યાર સુધી 2,38,270 લોકોના મોત થયા છે.
દેશમાં 37.33 લાખ સક્રિય કેસ
દેશમાં હાલમાં કોરોના દર્દીઓની સક્રિય સંખ્યા 37,23,446 છે. વળી, કુલ ડિસ્ચાર્જ થયેલા કેસોની સંખ્યા 1,79,30,960 છે. દેશમાં કુલ પૉઝિટીવ કેસોની સંખ્યા 2,18,92,676 છે. ભારતમાં છેલ્લા ત્રણ દિવસોથી સતત કોરોના વાયરસના 4 લાખથી વધુ દૈનિક આંકડા સામે આવી રહ્યા છે. વળી, ઘણા દિવસોથી સાડા ત્રણ હજારથી વધુ લોકોના મોત કોવિડના કારણે થઈ રહ્યા છે.
16.53 કરોડ લોકોને લગાવવામાં આવી અત્યાર સુધી વેક્સીન
દેશમાં 16 જાન્યુઆરી, 2021થી શરૂ થયેલ કોરોના વેક્સીનેશન અભિયાન હેઠળ દેશમાં અત્યાર સુધી 16,73,46,544 લોકોને કોવિડ-19 વેક્સીન લગાવવામાં આવી છે. વળી, અત્યાર સુધી 30,04,10,043 લોકોને કોરોના સેમ્પલ ટેસ્ટ કરવામાં આવ્યા છે. જેનાથી 7 મેના રોજ એક દિવસમાં 18,08,344 સેમ્પલ ટેસ્ટ કરવામાં આવ્યા છે. ડૉક્ટરો અને વૈજ્ઞાનિકોએ ચેતવ્યા છે કે 15થી 20 મે સુધી ભારતમાં કોરોના પોતાના ચરમ (પીક) પર હશે. એટલે કે આવનારા દિવસોમાં કોરોનાનો ખતરો વધવાનો છે.
Click it and Unblock the Notifications
Sign in with Google
