ખુશખબરીઃ દિલ્લીમાં આયોજિત થઈ રહ્યો છે દેશનો સૌથી મોટો શૉપિંગ ફેસ્ટીવલ, જાણો શું હશે ખાસ

દિલ્લીની જનતાને સરકાર નવી ભેટ આપવા જઈ રહી છે. જાણો શું છે ખાસ.

નવી દિલ્લીઃ દિલ્લીની જનતાને સરકાર નવી ભેટ આપવા જઈ રહી છે. સીએમ અરવિંદ કેજરીવાલે માહિતી આપી કે દિલ્લીમાં ત્રીસ દિવસ સુધી દિલ્હી શૉપિંગ ફેસ્ટિવલનુ આયોજન કરવામાં આવી રહ્યુ છે. આ દેશનો અત્યાર સુધીનો સૌથી મોટો શૉપિંગ ફેસ્ટિવલ હશે.

દુનિયાનો સૌથી મોટો શૉપિંગ ફેસ્ટીવલ

દિલ્લીના મુખ્યમંત્રી અરવિંદ કેજરીવાલે માહિતી આપી હતી કે 28 જાન્યુઆરીથી 26 ફેબ્રુઆરી 2023 દરમિયાન આ 30 દિવસીય દિલ્લી શૉપિંગ ફેસ્ટિવલનુ આયોજન કરવામાં આવ્યુ છે. આ ભારતનો સૌથી મોટો શૉપિંગ ફેસ્ટિવલ હશે. અમે હમણાં જ તેની શરૂઆત કરી રહ્યા છીએ. સીએમ અરવિંદ કેજરીવાલે કહ્યુ કે મને આશા છે કે થોડા વર્ષોમાં અમે તેને વિશ્વનો સૌથી મોટો શૉપિંગ ફેસ્ટિવલ બનાવીશુ.

દિલ્લી શૉપિંગ ફેસ્ટીવલમાં હશે આ ખાસ

મુખ્યમંત્રી અરવિંદ કેજરીવાલે કહ્યુ કે દેશભરના તેમજ વિશ્વના લોકોને દિલ્લી અને તેની સંસ્કૃતિનો અનુભવ કરવા માટે આમંત્રિત કરવામાં આવશે. આ એક અનોખો શૉપિંગ અનુભવ હશે. આ ફેસ્ટિવલમાં જંગી ડિસ્કાઉન્ટ ઑફર્સ હશે. આખી દિલ્લીનો સામાન અહીંની દુકાનો પર શણગારવામાં આવશે, પ્રદર્શનો પણ યોજાશે.

લોકોને મળશે રોજગાર

સીએમ કેજરીવાલે કહ્યુ કે આ ફેસ્ટિવલ દ્વારા દિલ્લીની અર્થવ્યવસ્થાને મોટો વેગ મળશે. દિલ્લીના વેપારીઓ માટે આ એક મોટી તક હશે, તેમના માટે બિઝનેસ વધારવાની આ તક હશે. દિલ્લીને આંતરરાષ્ટ્રીય સ્તરે રજૂ કરવાની આ એક મોટી તક હશે. આનાથી હજારો નોકરીઓનુ સર્જન થશે.

English summary

Country's biggest shopping festival being organized in Delhi, know what will be special