એરિજોનાના જંગલોમાં લાગી આગ, 19ના મોત
અધિકારીઓના જણાવ્યા અનુસાર અંદાજે 500 ઘર આગમાં બળીને ખાખ થઇ ગયા હતા. ઉચ્ચ તાપમાન, ઓછું ભેજનું પ્રમાણ તથા હવાના કારણે આગે બે હજાર એકર વિસ્તારને પોતાની ઝપેટમાં લઇ લીધો છે. યાર્નેલ હિલ તથા પીપલ્સ વેલીના નિવાસીઓને આગના કારણે ઘરમાંથી નિકાળીને સુરક્ષિત સ્થળો પર લઇ જવા પડ્યા છે. અધિકારીઓએ આગ ચેતાવણી સંબંધી વેબસાઇટ પર આ જાણકારી આપી હતી.
એરિજોના વન વિભાગના પ્રવક્તા માઇક રિસલિંગે જણાવ્યું હતું કે લગભગ 200 ફાયરબ્રિગેડના જવાનો આગ પર કાબૂ મેળવવાનો પ્રયત્ન કરી રહ્યાં છે. સંઘીય વહિવટી તંત્રને આગ પર કાબૂ મેળવવા માટે વધુ દળ પહોંચવાની આશા છે. અમેરિકી ફાયર બ્રિગેડ અનુસાર વર્ષ 2013માં તાજેતરની ઘટના પહેલાં અત્યાર સુધી 43 ફાયરબ્રિગેડના જવાનોના મોત નિપજ્યાં છે. ગત વર્ષે ફરજ દરમિયાન 83 ફાયરબ્રિગેડના જવાનોના મોત નિપજ્યાં હતા.
Click it and Unblock the Notifications
Sign in with Google
