દિલ્હી અગ્નિકાંડમાં બિહારના 28 લોકોએ જીવ ગુમાવ્યા

પટનાઃ ગત રવિવારે દિલ્હીના રાણી ઝાંસી રોડ સ્થિત આવેલ અનાજ મંડીમાં ભીષણ આગ લાગી હતી, ઘટનાને પગલે 43 લોકોના દર્દનાક મોત થયાં છે. આ ઘટનામાં ઘાયલોને વિવિધ હોસ્પિટલમાં દાખલ કરવામાં આવ્યા છે. 43 મૃતકોમાંથી 28 બિહારના રહેવાસી અને તેમાં પણ ઉત્તર બિહારના 18 લોકો સામેલ છે.

સમસ્તીપુર જિલ્લાના 9 લોકોના મોત

મૃતકોના ઘરમાં કોહરામ મચી ગયો છે. આ અગ્નિકાંડમાં બિહારના સમસ્તીપુર જિલ્લાના 9 લોકોના મોત થયાં છે. જણાવી દઈએ કે આ ફેક્ટરીના માલિક પણ બિહારના રહેવાસી છે. દિલ્હી પોલીસે માલિકની ધરપકડ કરી લીધી છે. સાથે જ તેની વિરુદ્ધ બિન-ઈરાદે હત્યાનો કેસ નોંધવામાં આવ્યો છે. કંપનીમાં કામ કરી રહેલ મોટાભાગના કર્મચારીઓ કંપનીમાં જ રહેતા હતા.

મુઝફ્ફરપુરના ત્રણ અને સીતામઢીના પાંચ લોકોનાં મોત

બિહારના સમસ્તીપુર, મુઝફ્ફરપુર, સીતામઢી અને મધુબનીના લોકોના આ અગ્નિકાંડમાં મોત થયાં છે. મધુબનીના એક, મુઝફ્ફરપુરના ત્રણ અને સીતામઢીના પાંચ લોકો બળી જવાથી મૃત્યુ પામ્યા છે. બિહારના મધુબની જિલ્લાના મલમલ ગામના રહેવાસી મુકીમ મો. મુકીમ હોસ્પિટલમાં દાખલ છે. તેમણે જણાવ્યું કે તેઓ ત્રીજા માળે ઊંઘી રહ્યા હતા. જ્યારે સવારે 6 વાગ્યે આંખ ખુલી ત્યારએ ભીષણ આગ લાગી હોવાનું માલૂમ પડ્યું. બધા સીડીઓ તરફ ભાગ્યા. ત્યાં પણ આગ લાગી હતી તો ગુંગળાઈને કેવીક રીતે જીવ બચાવ્યો. તેમણે જણાવ્યું કે એક હૉલમાં 40થી 50 લોકો રહેતા હતા.

વિવિધ હોસ્પિટલમાં દાખલ કરવામાં આવ્યા

રવિવારે સવારે જેવા જ ગ્રામીણોને ઘટનાની સૂચના મળી, તેઓ ઘભરાઈ ગયા. બપોર સુધી જેવા જ મૃતકોના નામ સામે આવ્યા, ચારો તરફ શોકનો માહોલ છવાઈ ગયો. દુર્ઘટનામાં ઘાયલોને રામ મનોહર લોહિયા હોસ્પિટલ, હિંદૂ રાવ હોસ્પિટલ, સફદરજંગ હોસ્પિટલ અને લોક નાયક જયપ્રકાશ નારાયણ હોસ્પિટલમાં દાખળ કરવામાં આવ્યા છે. ઘાયલોમાં ડઝનેક લોકોની હાલત ગંભીર જણાવવામાં આવી રહી છે.

English summary

delhi anaj mandi fire accident 18 bihari people died