દિલ્લી સરકારની મફત બસ સેવા મહિલાઓને ગમી રહી છે, અત્યાર સુધી જાહેર કર્યા 100 કરોડ પિંક પાસ
દિલ્લીમાં જાન્યુઆરી 2023ના અંત સુધીમાં મહિલાઓ માટે કુલ 100 કરોડ પિંક પાસ જાહેર કરવામાં આવ્યા છે તેમ શુક્રવારે એક સત્તાવાર નિવેદનમાં માહિતી આપવામાં આવી હતી.
નવી દિલ્લીઃ દિલ્લી સરકારની મફત બસ મુસાફરીને રાષ્ટ્રીય રાજધાનીમાં મહિલાઓમાં કેટલી પસંદ કરવામાં આવી રહી છે તેનો અંદાજ એ વાત પરથી લગાવી શકાય છે કે જાન્યુઆરી 2023ના અંત સુધીમાં મહિલાઓ માટે કુલ 100 કરોડ પિંક પાસ જાહેર કરવામાં આવ્યા છે. શુક્રવારે એક સત્તાવાર નિવેદનમાં આ માહિતી આપવામાં આવી હતી.
125 કરોડ સુધી પહોંચ્યો આંકડો
સત્તાવાર નિવેદનમાં કહેવામાં આવ્યુ છે કે, 'વર્ષ 2022માં, મહિલાઓ માટે પિંક પાસ દ્વારા મફત મુસાફરીનુ યોગદાન એક મહિનામાં મુસાફરી કરનારા મુસાફરોની કુલ સંખ્યાના લગભગ 32 ટકા હતુ.' દિલ્લી બસોની સવારી (DTC અને DIMTS સંયુક્ત) ધીમે ધીમે પ્રી-કોવિડ સંખ્યા તરફ આગળ વધી રહી છે. આ સિવાય વર્ષ 2019-20માં દિલ્લીની બસોમાં મુસાફરોની સંખ્યા 160 કરોડથી વધુ હતી. આ સિવાય વર્ષ 2019-20માં દિલ્લીની બસોમાં મુસાફરોની સંખ્યા 160 કરોડથી વધુ હતી. વર્ષ 2020 અને 2021માં કોરોના (કોવિડ-19)ને કારણે 2020-21માં તે ઘટીને 71 કરોડ થઈ ગઈ, જે 2021-22માં 93 કરોડ થઈ ગઈ. એપ્રિલ 2022થી આજ સુધીમાં આ આંકડો લગભગ 125 કરોડ સુધી પહોંચી ગયો છે.
દિલ્લી સરકારે પિંક પાસ પર ખર્ચ્યા 1000 કરોડ
ઑક્ટોબર 2019માં મહિલાઓ માટે મફત મુસાફરી શરૂ કરવામાં આવી ત્યારથી પિંક પાસ રાઇડરશિપ 2020-21માં 25 ટકા અને 2021-22માં 28 ટકાથી વધીને 2022-23માં લગભગ 33 ટકા થઈ ગઈ છે. દિલ્લીના પરિવહન મંત્રી કૈલાશ ગેહલોતે એક નિવેદનમાં કહ્યુ કે દિલ્લીએ બતાવ્યુ છે કે કેવી રીતે મુખ્યમંત્રી અરવિંદ કેજરીવાલના નેતૃત્વમાં મફત મુસાફરી દ્વારા શહેરની મહિલાઓને સશક્ત કરવામાં આવી રહી છે. તેમણે કહ્યુ, 'છેલ્લા કેટલાક વર્ષોમાં મહિલા બસ મુસાફરોની વધતી સંખ્યાથી સ્પષ્ટ થઈ ગયુ છે કે તેમને આ યોજનાથી કેટલો ફાયદો થયો છે. દિલ્લી સરકારે વર્ષોથી જાહેર કરાયેલા પિંક પાસ પર 1000 કરોડ રૂપિયા ખર્ચ્યા છે.
100 કરોડથી વધુ મહિલાઓ કરી ચૂકી છે મફત યાત્રા
દિલ્લીને અભિનંદન આપતા મંત્રી ગેહલોતે કહ્યુ કે દિલ્લી દેશનુ પહેલુ રાજ્ય છે જ્યાં મહિલાઓ માટે મફત મુસાફરીની યોજના આટલા મોટા પાયે ચાલી રહી છે. દિલ્લીના વિકાસમાં પબ્લિક ટ્રાન્સપોર્ટ એક મહત્વપૂર્ણ આધારસ્તંભ છે.
એક તરફ દિલ્લી મેટ્રો રેલ કોર્પોરેશનનુ વિશાળ નેટવર્ક છે, તો બીજી તરફ વર્ષોથી બસ મુસાફરોની સંખ્યામાં સતત વધારો થઈ રહ્યો છે. તેમણે કહ્યુ કે 29 ઓક્ટોબર, 2019થી અત્યાર સુધીમાં 100 કરોડથી વધુ મહિલાઓએ દિલ્લીની સરકારી બસોમાં મફત મુસાફરી કરી છે.
Click it and Unblock the Notifications
Sign in with Google
