દ્રૌપદી મુર્મુએ દેશના રાષ્ટ્રપતિ તરીકે શપથ લેતા જ બનાવ્યા આ 7 રેકોર્ડ
આજે દ્રૌપદી મુર્મુએ દેશના 15મા રાષ્ટ્રપતિ તરીકે શપથ લીધા છે અને આ સાથે તે દેશના પ્રથમ આદિવાસી અને બીજા મહિલા રાષ્ટ્રપતિ બની ગયા છે. આટલું જ નહીં, દ્રૌપદી મુર્મુએ શપથ લેતાની સાથે જ સાત અજોડ રેકોર્ડ પણ બનાવ્યા છે.દ્રૌપદી
આજે દ્રૌપદી મુર્મુએ દેશના 15મા રાષ્ટ્રપતિ તરીકે શપથ લીધા છે અને આ સાથે તે દેશના પ્રથમ આદિવાસી અને બીજા મહિલા રાષ્ટ્રપતિ બની ગયા છે. આટલું જ નહીં, દ્રૌપદી મુર્મુએ શપથ લેતાની સાથે જ સાત અજોડ રેકોર્ડ પણ બનાવ્યા છે.
- દ્રૌપદી મુર્મુ દેશના ટોચના પદ પર પહોંચનાર પ્રથમ આદિવાસી રાષ્ટ્રપતિ છે અને સાથે જ તે દેશના પ્રથમ આદિવાસી મહિલા રાષ્ટ્રપતિ પણ છે.
- દેશ આઝાદીના 75મા વર્ષની ઉજવણી કરી રહ્યો છે પરંતુ હજુ સુધી ઓડિશામાંથી કોઈ પણ રાષ્ટ્રપતિ પદ સુધી પહોંચી શક્યું નથી. આ કરિશ્મા કરનાર દ્રૌપદી મુર્મુ પ્રથમ મહિલા છે.
- દ્રૌપદી મુર્મુ સ્વતંત્ર ભારતમાં જન્મેલા પ્રથમ રાષ્ટ્રપતિ છે, અત્યાર સુધી દેશના 14 રાષ્ટ્રપતિ આઝાદી પહેલા જન્મ્યા છે.
- દ્રૌપદી મુર્મુ દેશના સૌથી યુવા રાષ્ટ્રપતિ છે. અગાઉ આ પદવી નીલમ સંજીવા રેડ્ડીના નામે હતું, તેઓ 64 વર્ષ અને બે મહિનામાં રાષ્ટ્રપતિ બન્યા હતા, જ્યારે મુર્મુએ 64 વર્ષ અને એક મહિનામાં આ પદ હાંસલ કર્યું છે.
- દ્રૌપદી મુર્મુ દેશના બીજા મહિલા રાષ્ટ્રપતિ છે, આ પહેલા પ્રતિભા પાટીલ આ પદ સંભાળી ચૂક્યા છે.
- દ્રૌપદી મુર્મુ ભાજપમાંથી છે, તેથી તે બીજેપી પૃષ્ઠભૂમિ સાથે બીજા રાષ્ટ્રપતિ છે, આ પહેલા રામનાથ કોવિંદ પણ ભાજપ પૃષ્ઠભૂમિ સાથે રાષ્ટ્રપતિ હતા.
- દ્રૌપદી મુર્મુએ વર્ષ 1997માં રાજકારણમાં પ્રવેશ કર્યો અને રાયરંગપુર નગર પંચાયતના કાઉન્સિલરની ચૂંટણી જીતી. અત્યાર સુધી કોઈ કાઉન્સિલર પ્રમુખ બન્યા નથી.
શપથ લીધા બાદ પોતાના પ્રથમ સંબોધનમાં રાષ્ટ્રપતિ દ્રૌપદી મુર્મુએ કહ્યું હતું કે 'ભારતના સર્વોચ્ચ બંધારણીય પદ માટે ચૂંટાવા બદલ હું તમામ સાંસદો અને વિધાનસભાના તમામ સભ્યોનો હૃદયપૂર્વક આભાર વ્યક્ત કરું છું. તમારો મત દેશના કરોડો નાગરિકોની આસ્થાની અભિવ્યક્તિ છે. મારો જન્મ ઓડિશાના આદિવાસી ગામમાં થયો હતો પરંતુ દેશની લોકશાહીની શક્તિ જ મને આ સ્થાને લઈ ગઈ છે. આ પણ યોગાનુયોગ છે કે જ્યારે દેશ તેની આઝાદીના 50માં વર્ષની ઉજવણી કરી રહ્યો હતો ત્યારે મારી રાજકીય કારકિર્દી શરૂ થઈ હતી અને આજે આઝાદીના 75માં વર્ષમાં મને આ નવી જવાબદારી મળી છે.
Click it and Unblock the Notifications
Sign in with Google
