ચૂંટણી પંચ સમય કરતા વહેલી ચૂંટણી માટે તૈયાર
ચૂંટણી પંચે આ વર્ષના અંતમાં પાંચ રાજ્યોમાં યોજાનારી વિધાનસભા ચૂંટણી માટે ચૂંટણી પંચે વધારાના ઇલેક્ટ્રોનિક વોટિંગ મશીન (ઇવીએમ) માટે ઓર્ડર આપી પોતાની તૈયારી શરૂ કરી દીધી છે. આ અંગે સૂત્રોએ જણાવ્યું કે ચૂંટણી પંચે અંદાજે બે લાખ વોટિંગ મશીનો માટે સાર્વજનિક ક્ષેત્રની કંપનીઓને નવા ઓર્ડર આપી દીધા છે. કારણ કે ઇવીએમની વર્તમાન સંખ્યા પાંચ વિધાનસભાની અને લોકસભાની ચૂંટણી સાથે યોજાય તો પૂરતા થઇ રહે તેટલી સંખ્યામાં નથી.
ચૂંટણી પંચ સાથે સંકળાયેલા એક વરિષ્ઠ અધિકારીએ જણાવ્યું કે "આ વર્ષના અંતમાં લોકસભા અને પાંચ રાજ્યોની વિધાનસભા ચૂંટણીઓ માટે વર્તમાન સમયમાં ઉપલબ્ધ 14 લાખ ઇવીએમ પૂરતા નથી. આ માટે અમે ઇવીએમ માટે નવા ઓર્ડર આપ્યા છે."
સૂત્રોએ જણાવ્યું કે આ ઓર્ડર જાહેર ક્ષેત્રની ભેલ અને ઇસીઆઇએલને આપવામાં આવ્યો છે. આ ઓર્ડર સપ્ટેમ્બર - ઓક્ટોબરમાં પૂરા કરવામાં આવે એવી શક્યતા છે. વર્તમાન સમયમાં આયોગ દ્વારા વિધાનસભાની ચૂંટણીઓની જાહેરાત થવાની શક્યતા છે.
તેમણે જણાવ્યું કે ચૂંટણી પંચે એક સાથે ચૂંટણીઓ યોજવા માટે અંદાજે 16 લાખ ઇવીએમની જરૂર હશે. 14 લાખ ઇવીએમમાંથી અડધા વર્ષ 2006 પહેલા ખરીદવામાં આવ્યા હતા. આ વર્ષના અંતમાં દિલ્હી, રાજસ્થાન, મધ્યપ્રદેશ, છત્તીસગઢ અને મિઝોરમમાં ચૂંટણી યોજવાની છે.
Click it and Unblock the Notifications
Sign in with Google
