Elon Musk News : એલોન મસ્કની કંપની 'X'એ ભારત સરકાર સામે કેસ દાખલ કર્યો, જાણો શું છે આરોપ?
Elon Musk News : એલોન મસ્કની કંપની X કોર્પોરેશને કર્ણાટક હાઈકોર્ટમાં ભારત સરકાર વિરુદ્ધ અરજી દાખલ કરી છે. આ કેસમાં કંપનીએ ભારતના IT એક્ટની કલમ 79(3)(b) અંગે પ્રશ્નો ઉઠાવ્યા છે.
X કોર્પોરેશનનું કહેવું છે કે આ નિયમ ગેરકાયદેસર છે અને અનિયંત્રિત સેન્સરશીપ સિસ્ટમ ઉભી કરે છે, જેનાથી પ્લેટફોર્મની કામગીરી પ્રભાવિત થાય છે.
IT કાયદાની કલમ 79(3)(b) અને તેનું અવલોકન IT એક્ટની કલમ 79(3)(b) એ સરકારને કયા સંજોગોમાં ઇન્ટરનેટ સામગ્રી અવરોધિત કરવાનો અધિકાર આપે છે, પરંતુ X કોર્પોરેશનનું દાવો છે કે સરકાર દ્વારા આ નિયમોનો યોગ્ય રીતે અમલ કરવામાં આવ્યો નથી.
પીટીઆઈના એક અહેવાલ અનુસાર, X કોર્પોરેશનનું કહેવું છે કે કન્ટેન્ટ દૂર કરવાના આદેશમાં લેખિત કારણ આપવું જોઈએ અને નિર્ણય લેતા પહેલા યોગ્ય સુનાવણીની વ્યવસ્થા હોવી જોઈએ. તેમ જ તેને કાયદાકીય રીતે પડકારવાનો અધિકાર પણ હોવો જોઈએ.
X કોર્પોરેશનનું માનવું છે કે ભારત સરકાર IT કાયદાની કલમ 79(3)(b)નું ખોટું અર્થઘટન કરી રહી છે અને જે આદેશો આપવામાં આવ્યા છે તે IT કાયદાની કલમ 69Aના નિયમોનું પાલન કરતા નથી.
કંપનીએ 2015ના શ્રેયા સિંઘલ કેસમાં સુપ્રીમ કોર્ટના નિર્ણયને ટાંકતાં દલીલ કરી છે કે સેન્સરશીપ સંબંધિત નિર્ણયો પારદર્શક અને યોગ્ય સુનાવણી બાદ જ લેવામાં આવવા જોઈએ.
આ વિવાદ એવા સમયે સામે આવ્યો છે જ્યારે કેન્દ્રીય માહિતી અને ટેકનોલોજી મંત્રાલયે X કોર્પોરેશન પાસેથી તેના AI ચેટબોટ Grok અંગે સ્પષ્ટતા માગી છે.
સરકારે દાવો કર્યો છે કે Grok ઘણા પ્રશ્નોના જવાબમાં અપમાનજનક ભાષાનો ઉપયોગ કરી રહી છે, જે સરકાર માટે ચિંતાજનક બાબત છે.
આ અગાઉ 2022માં X કોર્પોરેશનને IT એક્ટની કલમ 69A હેઠળ કેટલીક સામગ્રી દૂર કરવાનો આદેશ આપવામાં આવ્યો હતો.
કંપનીનો દાવો છે કે સરકાર દ્વારા લેવાયેલા આ નિર્ણયો વિરુદ્ધ પડકાર ઉઠાવવો તેમના અધિકાર હેઠળ આવે છે અને તે આ મામલે કોર્ટમાં ન્યાય માંગે છે.
Click it and Unblock the Notifications
Sign in with Google
