એલ્વિશ યાદવની રેવ પાર્ટીમાં 9 જીવતા સાપ અને ઝેર, જાણો કોબરાથી કેવી રીતે નશો કરે છે લોકો
Elvish Yadav Rave Party Snake Venom: નશો એ એક એવી લત છે, જેમાં વ્યક્તિ પોતાની મરજીથી પ્રવેશે છે પણ પોતાની મરજીથી બહાર નીકળી શકતો નથી. નશો કરવાની પણ અલગ-અલગ રીતો હોય છે. ઘણી વખત લોકો એવી વસ્તુઓનો નશો કરે છે, જેના વિશે જાણીને તમારા રુંવાડા ઉભા થઈ જશે.
તાજેતરમાં, પ્રખ્યાત યુટ્યુબર એલ્વિશ યાદવની રેવ પાર્ટી સમાચારોમાં છે. આરોપ છે કે બિગ બૉસ વિજેતા એલ્વિશના મિત્રોએ પ્રતિબંધિત સાપના ઝેરનો ઉપયોગ કર્યો હતો અને વિદેશી છોકરીઓને પણ પાર્ટીમાં આમંત્રિત કરી હતી.
હાલમાં એલ્વિશ અને તેના મિત્રો વિરુદ્ધ કેસ નોંધવામાં આવ્યો છે. આ એક કિસ્સા પરથી સમજીએ કે લોકો નશા માટે શા માટે અને કેવી રીતે સાપના ઝેરનો ઉપયોગ કરે છે. લોકો નશામાં આવવા માટે વિચિત્ર વસ્તુઓનો ઉપયોગ કરે છે. ઝેરી સાપના ઝેરનો ઉપયોગ પણ નશો કરવા માટે થઈ શકે છે. થોડા વર્ષો પહેલા, ચંદીગઢમાં બે યુવકોનો એક કિસ્સો પ્રકાશમાં આવ્યો હતો, જેઓ પોતાની જીભ પર કોબ્રા કરડાવીને નશો કરતા હતા. આ યુવાનોની હરકતો જોઈને વૈજ્ઞાનિકો પણ આશ્ચર્યચકિત થઈ ગયા.
તાજેતરમાં એલ્વિશ યાદવ અને તેના મિત્રોના કબજામાંથી 20 મિલી ઝેર અને 9 જીવતા સાપ મળી આવ્યા હતા. જેમાં 5 કોબ્રા, એક અજગર, બે માથાવાળા સાપ અને એક રેટ સ્નેકનો સમાવેશ થાય છે. આ સાપના ઝેરનો ઉપયોગ પાર્ટીઓમાં નશો કરવા માટે થતો હતો.
નશા માટે આ જીવલેણ ઝેરનો ઉપયોગ કેવી રીતે થાય છે? જો તે થાય તો પણ તે સુરક્ષિત છે? સાપના ઝેરનો ઉપયોગ દવાઓ બનાવવામાં થાય છે અને તે પણ બહુ ઓછી માત્રામાં. આવી સ્થિતિમાં તેનો ઉપયોગ નશા માટે કેવી રીતે થઈ શકે? આવા અનેક સવાલોના જવાબ જાણવાનો પ્રયાસ કરીએ.
જો અગાઉના કેસની વાત કરીએ તો, બે રાજસ્થાની યુવકો વિશે માહિતી આપવામાં આવી હતી કે જેમણે સાપના ઝેરનો નશા તરીકે ઉપયોગ કર્યો હતો અને સાપ કરડ્યા બાદ તેઓને શરૂઆતમાં આંચકો લાગ્યો હતો. આ પછી બધું ઝાંખું થઈ જતુ અને પછી લગભગ એક કલાક સુધી આખું શરીર સુન્ન થઈ જતુ. નવાઈની વાત એ છે કે તેમને આ બધું ગમતુ હતુ.
તમને જણાવી દઈએ કે ઘણા યુવા નશાખોરો સાપના ઝેરનું સેવન કરે છે. તેમાંથી ઘણા ઉચ્ચ વર્ગના સમાજના છે. તાજેતરમાં જ મધ્યપ્રદેશના ઈન્દોરમાં પણ છોકરીઓમાં નશાની લતનો આવો કિસ્સો સામે આવ્યો હતો.
જો આપણે સાપના ઝેરથી થતા નશાની વાત કરીએ તો, લોકો વારંવાર વ્યસન વધારવા માટે ઝેરી પદાર્થોનું સેવન કરે છે. કોબ્રા ઝેરને પ્રોસેસ કરીને એટલું હળવું બનાવવામાં આવે છે કે તે મૃત્યુનું કારણ નથી બનતુ. તેની અસર આલ્કોહોલ કે અન્ય નશા કરતાં વધુ અસરકારક છે. એક રિસર્ચ અનુસાર, જે લોકો આ ઝેરનો ઉપયોગ કરે છે, તેઓ ત્રણથી ચાર અઠવાડિયા સુધી ખુશી, મહાનતા અને ખૂબ વધુ ઉંઘનો અનુભવ થાય છે.
Click it and Unblock the Notifications
Sign in with Google
