કાશ્મીરના કુલગામમાં સેના અને આતંકીઓ વચ્ચે એન્કાઉન્ટર, એક આતંકી ઢેર!

જમ્મુ કાશ્મીરમાં આંતકી ઘટનાઓ રોકાવાનું નામ નથી લઈ રહી. હવે ફરી એક વખત સેના અને આતંકીઓ વચ્ચે એન્કાઉન્ટરના સમાચાર સામે આવી રહ્યા છે. દક્ષિણ કાશ્મીરના કુલગામમાં સેના અને આતંકીઓ વચ્ચે એન્કાઉન્ટર ચાલી રહ્યું છે. આ એન્કાઉન્ટરમાં એક આતંકીના મોતના સમાચાર પણ છે. હાલમાં સેના પુરા વિસ્તારમાં સર્ચ ઓપરેશન ચલાવી રહી છે.

સેનાને કુલગામ જિલ્લાના કૌસરનાગર ગામાં કેટલાક આંતકીઓ છુપાયા હોવાની માહિતી મળી હતી. જેને લઈને સેનાએ સર્ચ ઓપરેશન શરૂ કર્યુ હતું. આ દરમિયાન આતંકીઓે ફાયરિંગ શરૂ કર્યુ હતું. ફાયરિંગમાં એક આતંકીને સેનાએ ઢેર કરી દીધો હતો. આ આતંકીના મોત બાદ ફાયરિંગ બંધ થઈ ગયુ છે. હવે સેના સર્ચ કરી રહી છે.

સેનાના જવાનોએ એન્કાઉન્ટર સ્થળ આસપાસ સર્ચ ઓપરેશન શરૂ કર્યું છે. આશંકા છે કે માર્યા ગયેલા આતંકવાદી સાથે વધુ આતંકીઓ હોઈ શકે છે. સુરક્ષા દળો સાથે મુઠભેડના કારણે તે ભાગ્યા હશે. સુરક્ષા દળો સર્ચ ઓપરેશન ચલાવી રહ્યા છે. બીજી તરફ બાંદીપોરા જિલ્લાના અલોસામાં ઓછી તીવ્રતાનો વિસ્ફોટ થયો હતો, આ વિસ્ફોટ ત્યારે થયો જ્યારે સેનાનું એક વાહન અલોસા વિસ્તારમાંથી પસાર થઈ રહ્યું હતું. જો કે કોઈ નુકસાનના અહેવાલ નથી.

English summary

Encounter between army and terrorists in Kashmir's Kulgam