આજે એન્જિન વિનાની 'ટ્રેન 18'નું પહેલું ટ્રાયલ થશે, 150 કિમીની ઝડપે દોડશે

આજે એન્જિન વિનાની 'ટ્રેન 18'નું પહેલું ટ્રાયલ થશે

નવી દિલ્હીઃ એન્જિન વિના ચાલટી 'ટ્રેન 18'નું પહેલું ટ્રાયલ રન આજે મુરાદાબાદમાં કરવામાં આવશે. કેટલીય સુવિધાઓથી સજજ દેશની સૌથી તેજ ચાલતી ટ્રેન 18નું આજે બરોલી-મુરાદાબાદ સેક્શન પર સ્ટેન્ડર્સ રેલવે ટ્રેક પર પહેલું ટ્રાયલ હશે. આના માટે ટ્રેનની સાથોસાથ રિસર્ચ ડિઝાઈન એન્ડ સ્ટાન્ડર્ડ ઓર્ગેનાઈઝેશનની ટીમ પણ મુરાદા પહોંચી ગઈ છે. જણાવી દઈએ કે ટ્રેન 18 દેશની પહેલી એન્જિન વિનાની ટ્રેન છે અને સૌથી વધુ ઝડપે ચાલતી ટ્રેન છે.

આજે ટ્રેનનું પહેલું ટ્રાયલ કરાશે

ટ્રેન 18ને મુરાદાબાદ-બરેલી સેક્શન પર 150 કિમી પ્રતિ કલાકની સ્પીડમાં પહેલા ટ્રાયલ માટે લાવવામાં આવશે. 150 કિમી પ્રતિ કલાકની સ્પિડે ટ્રાયલ બાદ કોટા અને સવાઈ મધોપૂર વચ્ચે ટ્રેનનું 160 કિમી પ્રતિ કલાકની રફતારનું ફાઈનલ ટ્રાયલ કરવામાં આવસે. ટ્રેન 18 પોતાની પહેલી સફર દિલ્હી-ભોપાલ વચ્ચે સર કરશે.

18 મહિનામાં તૈયાર થઈ ટ્રેન

રેલવે બોર્ડના ચેરમેન અશ્વિની લોહાનીએ ટ્રેનના ઉદ્ઘાટન પર કહ્યં હતું કે આ ગર્વની વાત છે કે ભારતે પહેલી વાર આવી ટ્રેન બનાવી છે અને આઈસીએફે આને 18 મહિનાની અંદર પૂરી કરી છે. 2018-19 દરમિયાન બીજી એક ટ્રેન બનાવી લેવામાં આવશે અને 2019-20 સુધીમાં બીજી ચાર આવી ટ્રેન બનાવી લેવામાં આવશે.

શતાબ્દીની જગ્યા લેશે ટ્રેન 18

ટ્રેન 18નું નિર્માણ મેક ઈન ઈન્ડિયા અંતર્ગત ઈંટિગ્રલ ટ્રેક્શન પર સેલ્ફ-પ્રોપેલ્ડ ચાલશે. ઈન્ટર સિટી ટ્રાવેલને વધુ શ્રેષ્ઠ બનાવવા માટે ટ્રેન 18 લાવવામાં આવી રહી છે. શતાબ્દીના મુકાબલે સફરને 15 ટકા સુધી ઘટાડો કરી નાખશે.

યાત્રીઓ માટે કેટલીય સુવિધા

આ સેમી હાઈ-સ્પીડ ટ્રેનમાં ઓટોમેટિક સ્લાઈડિંગ દરવાજા અને સીડીઓ પણ હશે. યાત્રીઓના મનોરંજન માટે વાઈ-ફાઈ અને ઈન્ફોટેનમેન્ટની સુવિધા પણ આપવામાં આવી છે. આ ઉપરાંત જીપીએસ, બાયો-વેક્યૂમ સિસ્ટમની સાથે મૉડ્યૂલર ટૉયલેટ અને ગ્લાસ વિંડો ટ્રેનમાં આપવામાં આવ્યા છે. આ પૂરી ટ્રેન એસી ચેર કાર હશે, જેમાં યાત્રીઓ માટે આરામદાયક ખુરશીઓ અને દિવ્યાંગો માટે એક કોચમાં અલગ વ્યવસ્થા કરવામાં આવી છે.

English summary

Fastest Train 18's First Trail Run To Be Conducted Today On Bareilly-Moradabad Section.