Choose Language

Facebook Row: શશિ થરુર સામે ભાજપ સાંસદે કરી ફરિયાદ, મહુઆ મોઈત્રા આવ્યા સમર્થનમાં

ફેસબુક મામલે જે રીતે કોંગ્રેસ સાંસદ શશિ થરુરે નિવેદન આપ્યુ હતુ તેની સામે ભારતીય જનતા પાર્ટીના સાંસદે ફરિયાદ કરી છે.

By
Time

નવી દિલ્લીઃ ફેસબુક મામલે જે રીતે કોંગ્રેસ સાંસદ શશિ થરુરે નિવેદન આપ્યુ હતુ તેની સામે ભારતીય જનતા પાર્ટીના સાંસદે ફરિયાદ કરી છે. ભાજપ સાંસદ કે જે ઈન્ફોર્મેશન ટેકનોલૉજી માટે બનેલી સંસદની સ્ટેન્ડિંગ કમિટીના સભ્ય છે તેમણે લોકસભા સ્પીકર ઓમ બિરલાને શશિ થરુરની ફરિયાદ કરી છે. તમને જણાવી દઈએ કે શશિ થરુર આ કમિટીના અધ્યક્ષ છે. વાસ્તવમાં ફેસબુક વિશે અમેરિકાના પ્રતિષ્ઠિત વર્તમાનપત્રમાં સમાચાર છપાયા હતા જેમાં આરોપ લગાવવામાં આવ્યો હતો કે ફેસબુકે ભાજપ નેતાઓ અને હિંદુવાદી નેતાઓની હેટ સ્પીચ સામે જાણીજોઈને કાર્યવાહી નથી કરી. આ રિપોર્ટ બાદ શશિ થરુરે કહ્યુ હતુ કે સ્ટેન્ડિંગ કમિટી આ વિશે ફેસબુકના વિચાર વિશે પૂછશે.

થરુરે ટ્વિટ કરીને કહી હતી આ વાત

થરુરે ટ્વિટ કરીને કહી હતી આ વાત

શશિ થરુરે ટ્વિટ કરીને લખ્યુ હતુ કે ઈન્ફોર્મેશન ટેકનોલૉજી વિશે સંસદની સ્ટેન્ડિંગ કમિટી નિશ્ચિત રીતે ફેસબુકને આ રિપોર્ટ વિશે જાણવા ઈચ્છશે. સાથે જ અમે એ પણ જાણવા ઈચ્છીશુ કે ફેસબુક ભારતમાં હેટ સ્પીચ વિશે શું કરવા જઈ રહ્યુ છે. પરંતુ શશિ થરુરના આ ટ્વિટ બાદ ભારતીય જનતા પાર્ટીના સાંસદ નિશિકાંત દુબેએ કહ્યુ કે તેમણે આ બાબતે સ્પીકરનો સંપર્ક કર્યો. તેમણે કહ્યુ કે ભાજપના સાંસદો અને તેના સહયોગીઓ કે જે પેનલમાં સભ્ય છે તેમની તરફથી મે સ્પીકરનો સંપર્ક કર્યો છે.

નિશિકાંતે કરી ફરિયાદ

નિશિકાંતે કરી ફરિયાદ

નિશિકાંત દુબેએ કહ્યુ કે સ્ટેન્ડીંગ કમિટીના ચેરમેન પાસે એ અધિકાર નથી કે તે કોઈ મુદ્દે પેનલના સભ્યો સાથે ચર્ચા કર્યા વિના કોઈ નિર્ણય લે. મે પહેલા જ સ્પીકરને આ વિશે વાત કરી છે. મે શશિ થરુરને પણ આ બાબતે લખીશ જેમણે ફેસબુક વિશે મીડિયામાં વાત કરી. હું તેમને પૂછીશ કે છેવટે પેનલના સભ્યો સાથે ચર્ચા કર્યા વિના અને તેમને વિશ્વાસમાં લીધા વિના તેમણે આવુ કેમ કહ્યુ. તમને જણાવી દઈએ કે નિશિકાંત દુબે ઉપરાંત ભાજપના વધુ એક સાંસદે પણ આ બાબતે ફરિયાદ કરી છે.

મહુઆ મોઈત્રાએ ઉઠાવ્યો સવાલ

મહુઆ મોઈત્રાએ ઉઠાવ્યો સવાલ

વળી,તૃણમૂલ કોંગ્રેસના લોકસભા સાંસદ મહુઆ મોઈત્રાએ ભાજપના સાંસદના દાવા પર સવાલ ઉઠાવ્યો છે. મહુઆએ ટ્વિટ કરીને લખ્યુ કે હું પણ આ પેનલની સભ્ય છુ, આ મુદ્દે પહેલેથી જ સંમત્તિ બની ગઈ હતી, વર્ષની શરૂઆતમાં જ સ્પીકર પાસેથી આની મંજૂરી પણ લઈ લેવામાં આવી હતી. દરેક મુદ્દેના ક્યારે શિડ્યુલ કરવાનો છે અને કોને બોલાવવાના છે. એ સંપૂર્ણપણે ચેરમેનનો અધિકાર ક્ષેત્ર છે. સમજમાં નથી આવતુ કે છેવટે કેમ ભાજપ આટલુ ઉપર નીચે કરી રહ્યુ છે, શું તેમનુ ફેસબુક સાથે કંઈક ખાસ હિત છૂપાયેલુ છે?

Read more about:

facebook shashi tharoor bjp ફેસબુક શશિ થરુર ભાજપ politics

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out
loader
X