પીએમની મુલાકાત પૂર્વે શ્રીનગરમાં સેના પર આતંકી હુમલો

By Super

Updated: Tuesday, February 10, 2015, 10:56 [IST]

શ્રીનગર, 24 જૂનઃ એક તરફ ઉત્તરાખંડમાં બચાવ અને રાહતના કામમા લાગેલા સેનાના જવાનોનો જુસ્સાને જોઇને આખો દેશ તેમને સલામ કરી રહ્યો છે, તો બીજી તરફ જમ્મૂ-કાશ્મીરમાં આતંકવાદીઓએ સેનાના કાફલા પર ઘાત લગાવીને હુમલો કરી દીધો છે. શ્રીનગર પાસે કરવામાં આવેલા આ હુમલામાં ચાર જવાન શહિદ થયા છે જ્યારે ત્રણ જવાનોને ઇજા પહોંચી હોવાના અહેવાલ સાંપડી રહ્યાં છે.

કાશ્મીર પોલીસે જણાવ્યા પ્રમાણે, આતંકવાદીઓએ શ્રીનગરના બહારી વિસ્તારાં બેમિના પાસે સેનાના કાફલા પર હુમલો કર્યો હતો. ભારે ગોળીબાર કરવામાં આવી છે. આતંકવાદીઓએ આધુનિક હથિયારોથી અનેક રાઉન્ડ ગોળીવાર કરવામાં આવ્યો છે.

મળતા અહેવાલ અનુસાર, બાઇક પર ફરાર થઇ ગયેલા આતંકવાદીઓએ શ્રીનગરથી બારમુલા જઇ રહેલા સેનાના કાફલા પર હુમલો કર્યો હતો. હુમલાની જવાબદારી હેઝ્બુલ મુજાહિદ્દિને લીધી છે.