Breking News: ગુડગાંવની હોસ્પિટલમાં ફાયરિંગ, એકનું મોત

ગુડગાંવ, 11 ડિસેમ્બર: દિલ્હી નજીક આવેલા ગુડગાંવના એક હોસ્પિટલના આઇસીયુમાં ફાયરિંગ થયું હોવાના સમાચાર પ્રાપ્ત થયા છે. અજાણ્યા શખ્સો દ્રારા કરવામાં આવેલ અંધાધુધ ફાયરિંગમાં એક દર્દીનું મોત નિપજ્યું છે અને અન્ય એક દર્દીને ઇજા પહોંચી છે.

મળતી માહિતી મુજબ ગુડગાંવના સનરાઇઝ હોસ્પિટલમાં કેટલાક હથિયારધારીઓએ અંધાધૂંધ ફાયરિંગ કર્યું છે. એક પારિવારીક ઝઘડા બાદ આ હુમલો કરવામાં આવ્યો હોવાનું કહેવામાં આવે છે. આ હુમલામાં હોસ્પિટલના આઇસીયુમાં દાખલ કરવામાં આવેલા દર્દીને નિશાન બનાવવામાં આવ્યાં હતા.

ટીવી ચેનલોના જણાવ્યા મુજબ મંગળવારે લગભગ છ હથિયારધારી લોકો ગુડગાંવના સનરાઇઝ હોસ્પિટલમાં પહોંચ્યા હતા અને આઇસીયુમાં ઘૂસી ગયા હતા. આઇસીયુની અંદર જઇને આ લોકોએ અંધાધૂધ ફાયરિંગ શરૂ કરી દિધું હતું. આ ઘટનામાં એક દર્દીનું મોત નિપજ્યું છે, જ્યારે અન્ય દર્દીને ગંભીર ઇજા પહોંચી છે.

English summary

In a shocking incident in Gurgaon, two people were injured when a group of men fired at them inside the Sunrise Hospital.