જમીનની આગમાં હોમાઇ જિંદગીઃ બિહારમાં પાંચ બહેનોની હત્યા

ગયા, 5 ડિસેમ્બરઃ બિહારના ગયા જિલ્લાના ખિજરસરાય વિસ્તારમાં બુધવારે મોડી રાત્રે કેટલાક માથાભારે શખ્સોએ એક જ પરિવારની પાંચ છોકરીઓની ગોળી મારીને હત્યા નીપજાવી છે. હત્યાનું કારણ ભૂમિ વિવાદ હોવાનું પ્રાથમિક તપાસમાં જણાવવામાં આવી રહ્યું છે. જેમની હત્યા કરવામાં આવી છે, તેઓ સંબંધે એકબીજાની બહેન હોવાનું જાણવા મળ્યું છે.

પોલીસે જણાવ્યા પ્રમાણે માથાભેર શખ્સોએ સોનાથ ગામ નિવાસી શશિ ભૂષણ સિંહના ઘરે રાત્રે હુમલો કરીના પાંચ બહેનોની ગોળી મારીને હત્યા કરી દીધી. તમામની ઉમર આઠથી 16 વર્ષની આસપાસ હોવાનું જણાવવામાં આવી રહ્યું છે. મૃતકોની ઓળખ, સ્વીટી કુમારી, રેશમા, જૂલી, મનીતા અને અનિતા છે. આ ઘટના જે ગામમાં ઘટી ત્યાં તણાવનો માહોલ સર્જાયો છે. જો કે, ગ્રામીણ આ અંગે કંઇ પણ કહેવા તૈયાર નથી.

ગયાના વરિષ્ઠ પોલીસ અધીક્ષક નિશાંત કુમાર તિવારીએ ગુરુવારે જણાવ્યું કે, મૃતક બહેનોના પરિવાર અને એ જ ગામના રહેવાસી શંભૂ સિંહના પરિવારમાં જમીનને લઇને વિવાદ ચાલી રહ્યો હતો. વારદાત સમયે આ છોકરીઓ માતા-પિતાના ઘરે નહોતી. તેમણે જણાવ્યું કે, આ ઘટનાની ફરિયાદ સંબંધિત પોલીસ મથકે નોંધાવાઇ છે. પોલીસે બનાવ અંગે તપાસ હાથ ધરી છે. મૃતદેહોને ગયા સ્થિત મગધ મેડિકલ કોલેજ હોસ્પિટલમાં મોકલી દેવામાં આવ્યા છે.

English summary

Five girls of a family, aged between 8 and 13 years, were allegedly shot dead in their sleep at a village in Gaya in Bihar last night.