મુજફ્ફરપુરમાં માલગાડી પર પડ્યો ફ્લાયઓવર, અનેક ઘાયલ
મુજફ્ફરપુર, 27 નવેમ્બર: બિહારના મુજફ્ફરપુર જિલ્લામાં એક ફ્લાયઓવર ઢળી પડ્યો છે, જેમાં લગભગ અડધો ડઝન લોકોને ઇજા પહોંચી હોવાના સમાચાર છે. આ અકસ્માત ત્યારે સર્જાયો હતો જ્યારે ફ્લાયઓવરની નીચેથી એક માલગાડી પસાર થઇ રહી હતી.
સ્થાનિક લોકોના જણાવ્યા અનુસાર ફ્લાયઓવર એકદમ નબળો બની ગયો હતો. તેમછતાં તેના ઉપરથી લોકોની અવરજવર પર પ્રતિબંધ લગાવવામાં આવ્યો ન હતો. આજે બપોરે એક માલગાડી નીચેથી પસાર થઇ રહી હતી, ત્યારે ધ્રુજારીના લીધે ફ્લાયઓવર ઢળી પડ્યો હતો.
આ અકસ્માત શહેરના મરીપુર વિસ્તારમાં સર્જાયો હતો. કેટલાક વરિષ્ઠ અધિકારીઓ ઘટનાસ્થળે દોડી આવ્યા હતા અને કેસની તપાસ શરૂ કરી દિધી છે. બીજી તરફ ઇજાગ્રસ્તોને હોસ્પિટલમાં ભરતી કરાવવામાં આવ્યા છે.
Click it and Unblock the Notifications
Sign in with Google
