ગોવાના પૂર્વ CM લુઇઝિન્હો ફલેરિયોને TMC એ રાજ્યસભા સાંસદ બનાવ્યા, કોંગ્રેસ છોડી TMC માં આવ્યા હતા!

તૃણમૂલ કોંગ્રેસ (TMC)ના નેતા અને ગોવાના પૂર્વ સીએમ લુઈઝિન્હો ફલેરિયો પશ્ચિમ બંગાળમાંથી રાજ્યસભાના સભ્ય તરીકે ચૂંટાયા છે. આ વર્ષે સપ્ટેમ્બરમાં લુઇઝિન્હો ફલેરિયો કોંગ્રેસ છોડીને ટીએમસીમાં જોડાવાનો નિર્ણય કર્યો હતો.

નવી દિલ્હી, 22 નવેમ્બર : તૃણમૂલ કોંગ્રેસ (TMC)ના નેતા અને ગોવાના પૂર્વ સીએમ લુઈઝિન્હો ફલેરિયો પશ્ચિમ બંગાળમાંથી રાજ્યસભાના સભ્ય તરીકે ચૂંટાયા છે. આ વર્ષે સપ્ટેમ્બરમાં લુઇઝિન્હો ફલેરિયો કોંગ્રેસ છોડીને ટીએમસીમાં જોડાવાનો નિર્ણય કર્યો હતો. જે બાદ પાર્ટીએ તેમને રાજ્યસભામાં મોકલવાનો નિર્ણય લીધો હતો. પશ્ચિમ બંગાળના પૂર્વ સીએમ લુઈઝિન્હો ફલેરિયો રાજ્યસભા માટે ચૂંટાયા છે.

ગોવાના ભૂતપૂર્વ સીએમ, 7 વખતના ધારાસભ્ય અને ગોવાના મોટા રાજકીય ચહેરા, લુઇઝિન્હો ફલેરિયોએ આ વર્ષે સપ્ટેમ્બરમાં કોંગ્રેસ છોડી દીધી હતી અને વિધાનસભાના સભ્યપદેથી પણ રાજીનામું આપ્યું હતું. આ પછી લુઇઝિન્હો ટીએમસીમાં જોડાયા અને કહ્યું કે તે ભાજપ અને તેની વિભાજનકારી નીતિઓને હરાવી દેશે. ત્યારબાદ TMCએ તેમને પાર્ટીના રાષ્ટ્રીય ઉપાધ્યક્ષ બનાવ્યા અને રાજ્યસભામાં મોકલવાની જાહેરાત કરી હતી. આ મહિને જ ફલેરિયોએ પશ્ચિમ બંગાળથી રાજ્યસભાની ચૂંટણી માટે ઉમેદવારી પત્ર ભર્યું હતું. ટીએમસીએ પશ્ચિમ બંગાળની રાજ્યસભા બેઠકની પેટાચૂંટણી માટે લુઈઝિન્હોને તેના ઉમેદવાર તરીકે જાહેર કર્યા હતા.

ટીએમસી સાંસદ અર્પિતા ઘોષના રાજીનામા બાદ ખાલી પડેલી સીટ પર 29 નવેમ્બરે ચૂંટણી થવાની હતી. જો કે, ચૂંટણીની જરૂરિયાત ઊભી થઈ ન હતી અને ફલેરિયોને રાજ્યસભાના સાંસદ તરીકે બિનહરીફ ચૂંટાઈ આવ્યા હતા. ફલેરિયોને પાર્ટીમાં લઈને હવે રાજ્યસભામાં મોકલવાના નિર્ણયને મમતા બેનર્જીના ગોવામાં પાર્ટી સંગઠનને મજબૂત કરવાના પ્રયાસ તરીકે જોવામાં આવી રહ્યો છે.

TMC આવતા વર્ષે ગોવા વિધાનસભાની ચૂંટણી લડવાની તૈયારી કરી રહી છે. આ સ્થિતિમાં રાજ્યના ઘણા નેતાઓને પાર્ટીમાં સામેલ કરવામાં આવી રહ્યા છે અને તેમને મહત્વપૂર્ણ પદો પણ આપવામાં આવી રહ્યા છે. ટીએમસીનું કહેવું છે કે તે આગામી ગોવા વિધાનસભા ચૂંટણીમાં લોકો સામે એક મજબૂત વિકલ્પ તરીકે જશે.

English summary

Former Goa CM Luizinho Falerio has been made a Rajya Sabha MP by the TMC