Gaganyaan Mission: અંતરિક્ષમાં નવા રેકોર્ડ રચશે ભારત, સ્પેસમાં ભરશે 400 કિમીની ઉડાન
Gaganyaan Mission: ભારતીય અંતરિક્ષ અનુસંધાન સંગઠન (ISRO)ના અધ્યક્ષ એસ સોમનાથ દ્વારા જણાવવામાં આવ્યું છે કે, પહેલા માનવ અંતરિક્ષ ઉડાન કાર્યક્રમ ગગનયાન માટે પસંદગી પામેલા અંતરિક્ષયાત્રીઓ તૈયાર છે.
ગગનયાન મિશન હેઠળ, તેઓ 2025 માં ઉડાન ભરવાની રાહ જોઈ રહ્યા છે. સોમનાથે જણાવ્યું હતું કે, આ શક્ય બનાવવા માટે ISRO ટેક્નોલોજી વિકસાવવા માટે દિવસ-રાત કામ કરી રહ્યું છે.
ગગનયાન મિશનનો ઉદ્દેશ્ય ચાર અવકાશયાત્રીઓને 2025માં ત્રણ દિવસના મિશન માટે 400 કિમીની ભ્રમણકક્ષામાં લઈ જવાનો અને તેમને સુરક્ષિત રીતે પૃથ્વી પર પરત લાવવાનો છે.
ISROના વડાએ વિદ્યાર્થીઓને સંબોધિત કર્યા - પંડિત દીનદયાલ એનર્જી યુનિવર્સિટી (PDEU) ના 11મા દીક્ષાંત સમારોહમાં વિદ્યાર્થીઓને સંબોધતા સોમનાથે જણાવ્યું હતું કે, ગગનયાન મિશન માટે આવનારા દિવસોમાં ઘણી બધી ટેકનોલોજી વિકસાવવાની જરૂર છે. આ શક્ય બનાવવા માટે અમે દિવસ-રાત કામ કરી રહ્યા છીએ.
એસ સોમનાથે જણાવ્યું હતું કે, ISRO સ્પેસ સ્ટેશન બનાવવા પર પણ વિચાર કરી રહ્યું છે. ભારત આજે સ્પેસ ટેક્નોલોજીમાં વિશ્વનું અગ્રેસર બની ગયું છે. વિદ્યાર્થીઓની ભાવિ પેઢીઓ પાસે હવે વધુ તકો છે, જે ભૂતકાળમાં ન હતી.
ISROના વડાએ જણાવ્યું હતું કે, દેશનું ભવિષ્ય વિજ્ઞાન અને ટેકનોલોજીમાં શ્રેષ્ઠતા પર આધારિત છે. ટેક્નોલોજીના સિદ્ધાંતો પર બનેલી અર્થવ્યવસ્થા આપણને વિશ્વ લીડર બનાવવાની ક્ષમતા ધરાવે છે.
Click it and Unblock the Notifications
Sign in with Google
