6 વર્ષની બાળકીનો મૃતદેહ મળતા ગાઝિયાબાદમાં હિંસા

ગાઝિયાબાદ, 10 જાન્યુઆરી: ઉત્તર પ્રદેશમાં દિવસેને દિવસે અપ્રિય ઘટનાનું પ્રમાણ વધતું જઇ રહ્યું છે. ગઇકાલે એક 6 વર્ષની બાળકી ગુમ થયાના સમાચાર હતા. જેના પગલે આજે બાળકીનો મૃતદેહ મળી આવતા લોકોએ પોતાના ગુસ્સા પર કાબૂ ગુમાવી બેસતા ગાઝિયાબાદમાં હિંસા ફાટી નિકળી છે.

ઉલ્લેખનીય છે કે રાજ્યના મુખ્યમંત્રી અખિલેશ યાદવ હાલ ગાઝિયાબાદની મુલાકાતે આવેલા છે. જોકે રોષે ભરાયેલા લોકોએ અચાનક પોલીસ પર પથ્થરમારો શરૂ કરી દીધો જેના પગલે પોલીસે ટોળા પર કાબૂ મેળવવા માટે હવામાં ગોળીબાર કરવાની ફરજ પડી હતી.

જોકે રાજ્યના મુખ્યમંત્રી અખિલેશ યાદવ ગાઝિયાબાદની મુલાકાતે છે. તેમના આવવાના એરપોર્ટ તરફના માર્ગ નેશનલ હાઇવે નંબર 58 પર લોકોએ આગ ચાંપી દીધી છે. તેમજ તેમના પોસ્ટરો સળગાવીને અખિલેશ સરકાર અને પોલીસ તંત્ર સામે પોતાનો વિરોધ નોંધાવ્યો છે.

ઉલ્લેખનીય છે આજે ગાઝિયાબાદમાંથી જે 6 વર્ષની બાળકીનો મૃતદેહ મળી આવ્યો હતો તે બાળકી ગઇકાલે ગુમ થઇ ગઇ હતી. બાળકીના માતા-પિતા દ્વારા પોલીસમાં તેના ગુમ થયાની ફરિયાદ પણ નોંધાવી હતી, પરંતુ સ્થાનિક પોલીસ દ્વારા આ અંગે યોગ્ય કાર્યવાહી નહીં કરતા આ પરિણામ આવ્યું હતું. જેના પગલે રોષે ભરાયેલા લોકોએ પોલીસ અને અખિલેશ સરકાર પર પોતાનો ઉભરો ઠાલવ્યો હતો.

English summary

ghaziabad have violence against 6 year child found dead.