ગ્લોબલ હંગર ઇન્ડેક્સમાં ભારત, શ્રીલંકા અને બાંગ્લાદેશ કરતા પણ પાછળ
એક તરફ જ્યાં ભારત વિકાસના તમામ દાવા કરી રહ્યું છે, તો બીજી તરફ, ગ્લોબલ હંગર ઈન્ડેક્સમાં, ભારત તે દેશોથી પણ પાછળ પડી ગયું છે, જે ઘણા વિકાસના સ્કેલ પર પાછળ છે.
એક તરફ જ્યાં ભારત વિકાસના તમામ દાવા કરી રહ્યું છે, તો બીજી તરફ, ગ્લોબલ હંગર ઈન્ડેક્સમાં, ભારત તે દેશોથી પણ પાછળ પડી ગયું છે, જે ઘણા વિકાસના સ્કેલ પર પાછળ છે. ગ્લોબલ હંગર ઈન્ડેક્સ દ્વારા જારી કરાયેલા આંકડા મુજબ, ભારત 117 દેશોની યાદીમાં 102 મા ક્રમે છે. આ અગાઉ 2014 માં, ભારત 77 દેશોમાંથી 55 ક્રમ પર હતું. ભારતની રેન્કિંગ, પાકિસ્તાન અને શ્રીલંકા કરતા પણ નીચે છે, જે દેશના વિકાસના તમામ દાવા પર સવાલો ઉભા કરે છે.
શ્રીલંકા, નેપાળ કરતા પણ પાછળ
આપને જણાવી દઈએ કે હંગર ઇન્ડેક્સ રાષ્ટ્રીય અને પ્રાદેશિક સ્તરે ભૂખનું માપ દર્શાવે છે. તે મુખ્યત્વે કુપોષણ અને ભૂખના આધારે નક્કી કરવામાં આવે છે. જેમાં હંગર ઇન્ડેક્સ બાળ મૃત્યુદર, વય અનુસાર બાળકોની વૃદ્ધિ, બાળકોની લંબાઈ અનુસાર વજનમાં ઘટાડો, વગેરેના આધારે નક્કી કરવામાં આવે છે. મહત્ત્વની વાત એ છે કે, આ ભૂખ ઈન્ડેક્સમાં ભારત બાંગ્લાદેશ અને શ્રીલંકાથી પણ પાછળ છે. આ ક્રમમાં, જ્યાં ભારત 102 મા ક્રમે છે, ત્યાં બાંગ્લાદેશ 88 અને શ્રીલંકા 66માં નંબરે છે
90 ટકા બાળકોને પૌષ્ટિક આહાર નહીં
નોંધનીય છે કે ગ્લોબલ હંગર ઈન્ડેક્સ વેલ્થહંગરલાઇફ અને કન્સર્ન વર્લ્ડવાઇડ દ્વારા તૈયાર કરાઈ છે. રિપોર્ટમાં કહેવામાં આવ્યું છે કે ભારત વિશ્વના 45 દેશોમાં શામેલ છે જ્યાં સ્થિતિ તદ્દન ચિંતાજનક છે. રિપોર્ટ અનુસાર, ભારતમાં માત્ર 6 થી 23 મહિનાના બાળકોની વાત કરવામાં આવે તો ફક્ત 9.6 ટકા બાળકોને જ ન્યુનતમ પૌષ્ટિક આહાર મળી રહ્યો છે જયારે લગભગ 90 ટકા બાળકોને ન્યુનતમ પૌષ્ટિક આહાર નથી મળી રહ્યો. આટલું જ નહીં, 2015-16 સુધીમાં 90 ટકા ભારતીય ઘરોમાં પીવાના પાણીની સારી સુવિધાઓ ઉપલબ્ધ નથી, જ્યારે 39 ટકા ઘરોમાં કોઈ પણ પ્રકારની સ્વચ્છતા નથી.
સ્વચ્ચ ભારત અભિયાન પર પણ સવાલ
પીએમ નરેન્દ્ર મોદીએ 2 ઓક્ટોબરે દેશને ખુલ્લામાં શૌચથી મુક્ત જાહેર કર્યો હતો, પરંતુ અહેવાલ મુજબ લોકો હજી પણ ખુલ્લામાં શૌચ કરે છે. રિપોર્ટમાં કહેવામાં આવ્યું છે કે 2014 માં પીએમ મોદીએ સ્વચ્છ ભારત મિશનની શરૂઆત કરી હતી, તમામ ઘરોમાં શૌચાલયો પણ બનાવવામાં આવ્યા હતા, પરંતુ આ હોવા છતાં પણ લોકો ખુલ્લામાં શૌચ કરવા જાય છે. આ લોકોના આરોગ્ય પર નકારાત્મક અસર કરે છે, જેઓ સૌથી વધુ પીડિત બાળકો છે. અહેવાલમાં દક્ષિણ એશિયાના બે દેશોની પ્રશંસા કરવામાં આવી છે. એવું કહેવામાં આવે છે કે ભૂખમરો સામે લડવાની દિશામાં નેપાળ અને બાંગ્લાદેશે વધુ સારું કામ કર્યું છે અને અન્ય દેશો આ દેશો પાસેથી શીખી શકે છે.
આ પણ વાંચો: આગામી યુદ્ધ આપણે સ્વદેશી હથિયારોથી જીતીશુંઃ સેના પ્રમુખ બિપિન રાવત
Click it and Unblock the Notifications
Sign in with Google
