કિસાન મહાપંચાયતને લઈને સરકારની મોરચાબંધી, ઇન્ટરનેટ બંધ કરાયુ!

રાજ્ય સરકારે હરિયાણાના કરનાલ જિલ્લામાં ભેગા થયેલા ખેડૂતો પ્રદર્શનકારીઓને નિયંત્રિત કરવા મોટી સંખ્યામાં પોલીસ-દળ તૈનાત કર્યા છે. ઠેર ઠેર મોનીટરીંગ કરવામાં આવી રહ્યું છે. આ સાથે મોબાઇલ ઇન્ટરનેટ અને એસએમએસ સેવાઓ પણ સ્થગિત કરવામાં આવી છે. જનસંપર્ક અને માહિતી વિભાગે આ અંગે માહિતી આપી હતી. વિભાગના જણાવ્યા અનુસાર, કરનાલમાં ખેડૂતોના આંદોલનને જોતા મોબાઈલ ઈન્ટરનેટ અને એસએમએસ સેવાઓ ખોટી માહિતીના ફેલાવાને રોકવા માટે બંધ કરાઈ ગઈ છે, જે આજે રાત્રે 11:59 વાગ્યા સુધી અમલમાં રહેવાનો આદેશ આપવામાં આવ્યો છે.

રાજ્યના ગૃહમંત્રી અનિલ વિજનું કહેવું છે કે, આંદોલનકારીઓના સંભવિત ઉપદ્રવનો કરવા વધારાના પોલીસ દળની વ્યવસ્થા કરવામાં આવી છે. તેમણે કહ્યું કે સરકારને શાંતિપૂર્ણ પ્રદર્શનો સામે કોઈ વાંધો નથી, પરંતુ જો કાયદો તોડવામાં આવશે તો કાર્યવાહી કરવામાં આવશે. હરિયાણા પોલીસની પ્રશંસા કરતા વિજે કહ્યું કે અમારા પોલીસ-રેકોર્ડે ફરી એક વખત ઇતિહાસ રચ્યો છે. જેના કારણે હરિયાણાએ ક્રાઈમ અને ક્રિમિનલ ટ્રેકિંગ નેટવર્ક એન્ડ સિસ્ટમ્સમાં 100% ગુણ સાથે ફરી દેશમાં પ્રથમ સ્થાન મેળવ્યું છે. આ માટે વિજે પોલીસ મહાનિર્દેશક પી.કે. અગ્રવાલ, અધિક પોલીસ મહાનિદેશક (ટેલિકોમ અને આઇટી) એ.એસ. ચાવલા સહિત સમગ્ર પોલીસ વિભાગને અભિનંદન અને શુભકામનાઓ આપી હતી.

નોંધનીય છે કે, આ બીજી વખત છે જ્યારે હરિયાણા પોલીસે આ સિસ્ટમ હેઠળ 100% માર્ક સાથે દેશમાં પ્રથમ સ્થાન મેળવ્યું છે. જ્યારે હિમાચલે 99.6% માર્ક્સ સાથે બીજો ક્રમ મેળવ્યો છે અને કર્ણાટક 99.3% માર્ક્સ સાથે ત્રીજા ક્રમે છે. 99%ના સ્કોર સાથે ગુજરાત ચોથા ક્રમે રહ્યું છે.

હરિયાણા પોલીસની સિદ્ધિઓ વર્ણવતા અધિક પોલીસ મહાનિર્દેશક, (ટેલિકોમ અને આઈટી) એ.કે. ચાવલાએ જણાવ્યું હતું કે કેન્દ્રીય ગૃહ મંત્રાલયના પ્રગતિ ડેશબોર્ડ પર સંકલિત ગુના અને ગુનાહિત નેટવર્કિંગ અને સિસ્ટમોની સમીક્ષા અને નિરીક્ષણ પ્રધાનમંત્રી દ્વારા નિયમિત સમયાંતરે કરવામાં આવશે. તેમાં પોલીસ સ્ટેશન, સિવિલ સર્વિસીસ, પોલીસ અધિકારીઓની તાલીમ, સિસ્ટમ પર પોલીસ સ્ટેશનોનું કાર્ય, જૂના ડેટાનું ડિજિટલાઇઝેશન અને સિસ્ટમમાં ઉપલબ્ધતા, સીસીટીએનએસમાં ધરપકડ કરાયેલા અને ગુમ થયેલા લોકોના ફોટોગ્રાફની એન્ટ્રી અને કોર્ટમાં સિસ્ટમ જનરેટેડ મેમો રજૂ કરવા વગેરેનો સમાવશ થાય છે. તેમણે કહ્યું કે, રાજ્યમાં જુલાઈ 2021 માટે પ્રગતિ ડેશબોર્ડના તમામ નિર્ધારિત પરિમાણોમાં 100% માર્ક્સ પ્રાપ્ત કરીને ફરીથી આ સિદ્ધિ હાંસલ કરી છે. તેમણે કહ્યું કે, ડીએસપી પવન કુમાર, એસઆઈ રાજેશ કુમાર અને અન્યની બનેલી એક ખાસ ટીમ તૈનાત કરવામાં આવી છે, જે પ્રગતિ ડેશબોર્ડની તમામ બાબતો પર સતત ફિલ્ડ યુનિટો દ્વારા કરવામાં આવતા કામ પર નજર રાખે છે.

English summary

Government's blockade of Kisan Mahapanchayat, internet shut down!