શિંદેની શિવસેનામાં જોડાયા ગોવિંદા, આ લોકસભા બેઠકથી લડશે ચૂંટણી

Lok Sabha election 2024: લોકસભાની ચૂંટણીની તારીખ જેમ જેમ નજીક આવી રહી છે, તેમ તેમ રાજકીય માહોલ પણ ગરમાઈ રહ્યો છે. લેટેસ્ટ વિકાસમાં, ફિલ્મ અભિનેતા ગોવિંદા આજે શિંદે જૂથની શિવસેનામાં જોડાયા છે. તેઓ બાળાસાહેબ ઠાકરે ભવનમાં મુખ્યમંત્રી એકનાથ શિંદેની હાજરીમાં પાર્ટીમાં જોડાયા હતા. એવું માનવામાં આવે છે કે, તેઓ ઉત્તર પશ્ચિમ મુંબઈ લોકસભા બેઠક પરથી ચૂંટણી લડે તેવી શક્યતા છે.

આ અવસર પર ગોવિંદાએ જણાવ્યું હતું કે, એકનાથ શિંદેજીનો આભાર, આજે શિવસેનામાં જોડાવાનો અર્થ ભગવાનની પ્રેરણા છે. તેમણે જણાવ્યું હતું કે, તેઓ 2004 થી 2009 સુધી કોંગ્રેસ પાર્ટીના સાંસદ હતા. હવે ચૌદ વર્ષના વનવાસ પછી હું શિવસેનામાં જોડાયો છું. મુંબઈ હવે સુંદર અને વિકસિત દેખાઈ રહ્યું છે. અહીં વિકાસના કામો થઈ રહ્યા છે.

ગોવિંદાએ પોતાના સંબોધનમાં વડાપ્રધાન મોદીના વખાણ કર્યા હતા. તેમણે જણાવ્યું હતું કે, વડાપ્રધાન મોદીમાં સકારાત્મકતા છે. તેમણે દેશને વિશ્વમાં ગૌરવ અપાવ્યું છે. ગણેશ જયંતિ પર હું મુખ્યમંત્રીને મળ્યો હતો, આજે ગણેશ ચતુર્થીના દિવસે શિવસેનામાં જોડાયો છું.

મહારાષ્ટ્રના મુખ્યમંત્રી શિંદેએ જણાવ્યું હતું કે, ગોવિંદાએ પાર્ટીમાં સામેલ થવા માટે કોઈ શરત રાખી નથી. ગોવિંદા અમારી પાર્ટીના સ્ટાર પ્રચારક હશે.

એકનાથ શિંદે જૂથની શિવસેનામાં સામેલ થવા પર બોલીવુડના દિગ્ગજ અભિનેતા ગોવિંદાએ જણાવ્યું હતું કે, હું 2004 થી 2009 સુધી રાજકારણમાં હતો અને તે 14મી લોકસભા હતી. આ એક અદ્ભુત સંયોગ છે કે, હવે 14 વર્ષ પછી, આજે હું ફરીથી રાજકારણમાં આવ્યો છું.

#WATCH | On joining Shiv Sena, Veteran Bollywood actor Govinda says, "I was in politics from 2004 to 2009 and that was the 14th Lok Sabha. This is an amazing coincidence that now, after 14 years, today I have come into politics again..." pic.twitter.com/Qnil9ov8zV

— ANI (@ANI) March 28, 2024

English summary

Govinda joined Shinde's Shiv Sena, will contest from North West Mumbai seat in Lok Sabha election