વજુભાઇ વાળા મળ્યા કોંગ્રેસના MLA, મીડીયા સાથે પણ કરી વાત

કર્ણાટકના ગવર્નર વજુભાઇ વાળાને મળ્યા કોંગ્રેસના ધારાસભ્યો. તે પછી મીડિયાને સંબોધતા કહ્યું અમે જલ્દી જ પરત ફરીશું. જાણો આ અંગે વધુ અહીં.

ગુજરાત કોંગ્રેસના 42 જેટલા ધારાસભ્યો આજે કર્ણાટકના રાજ્યપાલ વજુભાઇ વાળાને તેમના નિવાસ સ્થાને મળ્યા હતા. જે બાદ શક્તિસિંહ ગોહિલે જણાવ્યું કે વજુભાઇ ગુજરાત વિધાનસભાના સભ્ય પણ રહ્યા છે અને બધાને ઓળખે પણ છે. આ જ કારણે તે તમામ ધારાસભ્યોને વ્યક્તિગત રીતે મળ્યા પણ હતા. જો કે પરત ફરવા મામલે શક્તિસિંહે કહ્યું કે અમે શક્ય તેટલા વહેલા પરત ફરીશું પણ તારીખ અંગે હજી કોઇ સ્પષ્ટતા નથી. ઉલ્લેખનીય છે કે 8 ઓગસ્ટના રોજ રાજ્યસભાની ચૂંટણી યોજાવાની છે ત્યારે 7મી તારીખે જ આ ધારાસભ્યો પરત ફરશે.

ઉલ્લેખનીય છે કે જે કર્ણાટકના મંત્રી ડીકે શિવકુમારના રિસોર્ટમાં ગુજરાત કોંગ્રેસના ધારાસભ્યો રોકાયેલા હતા તેમની પાસેથી આયકર વિભાગને 11 કરોડ મળ્યા છે. સાથે જ હવે તે પણ જોવાનું રહે છે કે જ્યારે આ તમામ ધારાસભ્યો પરત ફરીને રાજ્ય સભાની ચૂંટણીમાં મતદાન કરે છે ત્યારે તે તમામ વોટ અહેમદ પટેલને જ જાય છે કે પછી આ વખતે પણ રાષ્ટ્રપતિ ચૂંટણીની જેમ જ કોંગ્રેસ ફરી ક્રોસ વોટિંગ કરે છે.

English summary

Gujarat Congress MLAs meet Karnataka Governor Vajubhai Rudabhai Vala at Raj Bhavan.