Haryana Election Result : હરિયાણા ચૂંટણીના પરિણામો લોકલ પાર્ટીઓ માટે ખતરાની ઘંટી? જાણો કેવી રીતે?
Haryana Election Result 2024 : હરિયાણા ચૂંટણીના પરિણામોએ કોંગ્રેસ જેવી દિગ્ગજ દાવેદાર પાર્ટીને હરાવીને ઘણા નવા સમીકરણને જન્મ આપ્યો છે.
હરિયાણાની ચૂંટણીએ કોંગ્રેસની હાર સાથે સાથે રાજ્યોની નાની પાર્ટીઓને મોટો મેસેજ આપ્યો છે. આ ચૂંટણીએ હરિયાણાની તમામ સ્થાનિક પાર્ટીઓના અસ્તિત્વ પર સવાલ ઉભો કરી દીધો છે.
હરિયાણા ચૂંટણીમાં કોંગ્રેસ અને બીજેપી સાથે સાથે JJP, INLD અને આમ આદમી પાર્ટી પણ સત્તાની રેસમાં હતી. આ સિવાય આઝાદ સમાજ પાર્ટી પણ ગઠબંધન કરીને ઉતરી હતી.
હરિયાણામાં સૌથી મોટો ઝટકો જનનાયક જનતા પાર્ટી અને ઈન્ડિયન નેશનલ લોકદળને લાગ્યો છે. આ પાર્ટીઓનું અસ્તિત્વ ખતરામાં આવી ગયુ છે.
હરિયાણામાં પૂર્વ પીએમ ચૌધરી દેવીલાલના પરિવારનો ચાર દાયકાથી વધુ સમયથી દબદબો રહ્યો છે. તેમના પરિવારની પાર્ટી ઈન્ડિયન નેશનલ લોકદળ (INLD) અને જનનાનાયક જનતા પાર્ટી તુટવા સાથે ખતમ થઈ ગઈ છે.
ચૌટાલા પરિવારની બે પાર્ટીઓમાંથી એકે બીએસપી અને બીજી આઝાદ સમાજ પાર્ટી સાથે ગઠબંધન કર્યું હતું. તેઓને આશા હતી કે તે દલિત મત મેળવવામાં મદદ કરશે.
આઈએનએલડી માત્ર બે બેઠકો જીતવામાં સફળ રહી હતી છે પરંતુ ગઠબંધનના સીએમ ઉમેદવાર અભય ચૌટાલા તેમના ગઢમાં તેમની હાર બચાવી શક્યા નથી. 55 બેઠકો પર ચૂંટણી લડ્યા પછી તેમની પાર્ટીને 4.14% મત મળ્યા છે. જે ગયા વખત કરતા લગભગ 2% વધુ છે.
બીજી તરફ જેજેપીના મતો 14.8% થી ઘટીને એક ટકાથી ઓછા થઈ ગયા છે અને ભૂતપૂર્વ ડેપ્યુટી સીએમ દુષ્યંત ચૌટાલા તેમના પરિવારના ગઢ ઉચાન કલાનમાં જામીન પણ બચાવી શક્યા નથી અને પાંચમા સ્થાને રહ્યાં.
આ બંને પક્ષોના સાથી પક્ષો બસપા અને આઝાદ સમાજ પાર્ટીના ખાતા પણ ખૂલ્યા નથી. BSPને 35 બેઠકો પર લડ્યા બાદ 1.82% મત મળ્યા અને ચંદ્રશેખર આઝાદની પાર્ટીને 12 બેઠકો પર લડ્યા બાદ અન્યની લિસ્ટમાં સમાવેશ થવાનો સમય આવી ગયો.
આ વખતે હરિયાણાએ માત્ર બંને વંશવાદી પક્ષો અને બસપા, એએસપીને હરાવવા ઉપરાંત હરિયાણા લોકહિત પાર્ટીના ગોપાલ કાંડા અને હરિયાણા જન સેવક પાર્ટીના બલરાજ કુંડુને પણ નકાર્યા છે.
આ વખતે ભાજપ અને કોંગ્રેસને 90માંથી 85 બેઠકો આપીને હરિયાણાએ સાફ મેસેજ આપ્યો છે અને પ્રાદેશિક પક્ષોને રેડ સિગ્નલ આપી દીધુ છે. રાજ્યમાં 80% મત આ પક્ષોને ગયા. આ રીતે રાજ્યનું રાજકારણ હવે સીધું કોંગ્રેસ અને ભાજપની વિચારધારાઓ વચ્ચે વહેંચાઈ ગયું છે.
હરિયાણામાં કોંગ્રેસ ભલે સત્તામાં પાછળ રહી પરંતુ પ્રાદેશિક પક્ષોના ભોગે તેના મતો અને બેઠકોમાં થયેલા વધારાને કારણે મહારાષ્ટ્ર અને ઝારખંડ સહિત અન્ય રાજ્યોમાં તેના સાથી પક્ષોની ચિંતા વધી છે.
Click it and Unblock the Notifications
Sign in with Google
