Haryana Elections 2019: રાહુલ ગાંધી 14 ઓક્ટોબરથી કોંગ્રેસના પ્રચારમાં ઉતરશે
Haryana Elections 2019: રાહુલ ગાંધી 14 ઓક્ટોબરથી કોંગ્રેસના પ્રચારમાં ઉતરશે
નવી દિલ્હીઃ હરિયાણા વિધાનસભા ચૂંટણીને લઈ રાજનૈતિક પાર્ટીઓ ચૂંટણી અખાડામાં ઉતરી ચૂકી છે. તાબડતોડ રેલીઓ શરૂ થઈ ગઈ છે. રાજનૈતિક પાર્ટીઓ પોતાના દિગ્ગજ નેતાઓને ચૂંટણી પ્રચારમાં ઉતારી રહી છે. પ્રધાનમંત્રી નરેન્દ્ર મોદી પણ હરિયાણા વિધાસભા ચૂંટણીમાં ભાજપ માટે રેલી કરશે. જ્યારે કોંગ્રેસ પાર્ટી રાજ્યની સત્તામાં વાપસીની ઉમ્મીદ લગાવીને બેઠી છે. કોંગ્રેસ નેતા રાહુલ ગાંધી 14 ઓક્ટોબરે હરિયાણામાં ચૂંટણી પ્રચાર કરશે.
જણાવી દઈએ કે કોંગ્રેસ ફરી એકવાર ભૂપેન્દ્ર સિંહ હુડ્ડાની કપ્તાનીમાં સત્તામાં વાપસીનું સપનું જોઈ રહી છે. કોંગ્રેસ 11 ઓક્ટોબરે જ પોતાનો મેનિફેસ્ટો જાહેર કરશે. માનવામાં આવી રહ્યું છે કે કોંગ્રેસ ફરી એકવાર હરિયાણામાં પણ કિસાન કાર્ડ રમવની તૈયારી કરી રહી છે.
કોંગ્રેસને ટક્કર આપવા માટે ભાજપે ચૂંટણી પ્રચાર માટે પ્રધાનમંત્રી નરેન્દ્ર મોદીને પણ ચૂંટણઈ પ્રચાર માટે ઉતાર્યા છે. પીએમ મોદી પ્રદેશમાં ચાર રેલીઓ કરશે. પીએમ મોદીની પહેલી રેલી 14 ઓક્ટોબરે બલ્લભગઢ, બીજી અને ત્રીજી રેલી 15 ઓક્ટોબરે દાદરી અને બપોર બાદ થાનેસરમાં થશે. જ્યારે ચોથી રેલી 18 ઓક્ટોબરે હિસારમાં થશે. ઉલ્લેખનીય છે કે હરિયાણામાં વિધાનસભાની કુલ 90 સીટ પર 21 ઓક્ટોબરે મતદાન થનાર છે. 24મી ઓક્ટોબરે મતગણતરી થશે.
સમય પર એમ્બ્યુલન્સ ન પહોંચતા ગુજરાતના CM વિજય રુપાણીના પિતરાઈ ભાઈનુ મોત