Heat Wave Alert: વરસાદ વચ્ચે પણ ઘણા રાજ્યોમાં હીટવેવ એલર્ટ જાહેર, જાણો હવામાન વિભાગની આગાહી
Heat Wave Alert: દેશના ઘણા ભાગોમાં વરસાદ નોંધાઇ રહ્યો છે. આ વચ્ચે પણ ગરમીમાંથી રાહત મળી નથી. દિલ્હી સહિત ઘણા રાજ્યોમાં હવે ભીષણ ગરમી પડી રહી છે. ભારતીય મોસમ વિભાગની લેટેસ્ટ અપડેટ ઘણી ડરામણી છે.
IMD એ 18 મે સુધી દિલ્હી, પંજાબ, યુપી સહિત ઘણા રાજ્યોમાં હીટ વેવની સંભાવના વ્યક્ત કરી છે, અને તેથી એલર્ટ જાહેર કરવામાં આવ્યું છે, જેમાં જણાવ્યું છે કે, આ સપ્તાહના અંત સુધીમાં ઘણા રાજ્યોમાં પારો 45 ડિગ્રી સુધી પહોંચી જશે.
દરેક વ્યક્તિએ સાવચેતી રાખવાની જરૂર છે - તેમનું કહેવું છે કે, 16 મેથી 18 મે વચ્ચે દિલ્હી, પંજાબ, હરિયાણા, ઉત્તર પ્રદેશ અને દિલ્હીમાં ભારે ગરમી પડશે અને તેથી દરેકે સાવચેતી રાખવાની જરૂર છે.
હવામાન વિભાગનું કહેવું છે કે, હાલમાં ઉત્તર ભારતમાં સૂકા પશ્ચિમી અને ઉત્તર-પશ્ચિમ પવનો સક્રિય છે, જેના કારણે અહીં તાપમાનમાં વધારો થયો છે.
મહત્તમ તાપમાન 44 ડિગ્રી સેલ્સિયસ સુધી જઈ શકે છે - દિલ્હીની વાત કરીએ તો દિલ્હીમાં છેલ્લા કેટલાક દિવસોથી તાપમાનનો પારો વધી રહ્યો છે અને તે સપ્તાહના અંત સુધી ચાલુ રહેશે, કોઈપણ વેસ્ટર્ન ડિસ્ટર્બન્સની ગેરહાજરીને કારણે અહીં વરસાદ નહીં પડે. આજે અહીં મહત્તમ તાપમાન 44 ડિગ્રી સેલ્સિયસ રહી શકે છે, જે સામાન્ય કરતાં ઘણું વધારે છે.
ચોમાસું ક્યારે આવશે? - કાળઝાળ ગરમી વચ્ચે હવામાન વિભાગ દ્વારા રાહતના સમાચાર આપવામાં આવ્યા છે, જેમાં કહેવામાં આવ્યું છે કે દક્ષિણ-પશ્ચિમ ચોમાસું 31 મેની આસપાસ કેરળમાં પ્રવેશ કરશે, અને આ વખતે સામાન્ય કરતાં વધુ વરસાદ થવાની સંભાવના છે.
Click it and Unblock the Notifications
Sign in with Google
