હિમાચલ પ્રદેશ: 26 બેઠકો પર ભાજપે નોંધાવી જીત

ગુજરાત વિધાનસભાના પરિણામોની સાથે હિમાચલ પ્રદેશના પરિણામો પણ આજે જાહેર થયા છે જેમા ભાજપનો ભવ્ય વિજય થયો છે. આ અંગે વધુ વાંચો અહીં

સોમવારે ગુજરાત ઉપરાંત હિમચાલ પ્રદેશમાં પમ મત ગણતરી શરૂ થઇ હતી. હિમાચલ પ્રદેશમાં 13મી વિધાનસભા ચૂંટણી માટે 9 નવેમ્બરના રોજ મતદાન થયું હતું. ત્યાર બાદ ગુજરાતના મતદાન પર હિમાચલ પ્રદેશ ચૂંટણીના પરિણામોની અસર ન થાય એ માટે મત ગણતરી મોકૂફ રાખવામાં આવી હતી. આખરે 18 ડિસેમ્બરના રોજ ગુજરાતની સાથે જ હિમાચલ પ્રદેશમાં પણ સવારે 8 વાગ્યાથી મતગણતરી શરૂ થઇ હતી. અત્યાર સુધીમાં 26 બેઠકો પર ભાજપની જીત નોંધાઇ છે.

હિમાચલ પ્રદેશ ચૂંટણી પરિણામોના મુખ્ય મુદ્દાઓ:

• જ્વાલી વિસ ક્ષેત્રથી ભાજપ અર્જુન ઠાકુરની જીત, કોંગ્રેસના ચંદ્ર કુમારની હાર
• કુટલેહડથી ભાજપના વીરેન્દ્ર કવંરની જીત
• રામપુરથી કોંગ્રેસના નંદલાલનો વિજય
• બિલાસપુર સદરથી ભાજપના સુભાષ ઠાકુર 6862 મતથી જીત્યા
• સીએમ વીરભદ્રના પુત્ર અને શિમલા ગ્રામીણથી કોંગ્રેસના ઉમેદવાર વિક્રમાદિત્યસિંહ 4850 મતથી જીત્યા
• ધર્મશાળામાં ભાજપના કિશન કપૂર જૂત્યા
• કુલ્લૂમાં કોંગ્રેસના સુંદર સિંહનો વિજય
• ભરમોર વિધાનસભા ક્ષેત્રમાં ભાજપના જિયા લાલનો વિજય
• સોલનથી કોંગ્રેસના ધની રામ શાંડિલનો વિજય
• શિમલા શહેર બેઠક પર ભાજપના સુરેશ ભારદ્વાજે અપક્ષ ઉમેદવાર હરીશ જનરઠાને 1903 મતથી હરાવ્યા હતા.
• અન્ની બેઠક પર ભાજપના કિશોરીલાલે કોંગ્રેસના પારસરામને 5983 મતોથી હરાવ્યા
• લાહોલ સ્પીતિથી ભાજપના રામલાલ માર્કેંડયનો વિજય
• ભાજપના મુખ્યમંત્રી ઉમેદવાર પ્રેમ કુમાર ધૂમલ સુજનપુર બેઠકથી હાર્યા
• મંડીમાં ભાજપના અનિલ શર્મા 10885 મતોથી જીત્યા
• દેહરાથી અપક્ષ ઉમેદવાર હોશિયાર સિંહનો વિજય
• બેજનાથથી ભાજપના મુલ્ખરાજ પ્રેમી જીત્યા
• મનાલીથી ભાજપના ગોવિંદ ઠાકુરની જીત
• ઠિયોગથી સીપીઆઈએમના રાકેશ સિંઘાની જીત
• શિલાઇથી કોંગ્રેસના હર્ષવર્ધન ચૌહાણની જીત
• રોહડૂમાં કોંગ્રેસના મોહન લાલની જીત
• શિમલા શહેરથી ભાજપના સુરેશ ભારદ્વાજની સતત ત્રીજીવાર જીત
• કાંગડાથી ભાજપના પવન કુમારની જીત
• મંડીની બલ્હ બેઠક પર ભાજપના ઇન્દ્ર સિંહ ગાંધીની જીત
• કસુમ્પટીથી કોંગ્રેસ ઉમેદવાર અનિરુદ્ધ સિંહ 9296 મતથી જીત્યા
• જયસિંહપુર બેઠક પરથી ભાજપ ઉમેદવાર રવિન્દ્ર ધીમાનની જીત

English summary

himachal election poll results 2017 assembly vidhansabha chunav parinaam.