માત્ર 5 મિનિટમાં કેવી રીતે જાણશો આપનું PF બેલેંસ?

નવી દિલ્હી, 22 નવેમ્બર: દેશનો દરેક કર્મચારી પોતાના પગારનો એક ભાગ પોતાના પ્રોવિડન્ટ ફંડમાં જમા કરાવે છે. આ પીએફ તેની જમા થાપણ હોય છે. પરંતુ આપણામાંથી ઘણા લોકો એ નથી જાણી શકતા કે તેમના પીએફ એકાઉંટમાં કેટલું બેલેન્સ છે.

ઇપીએફઓએ પોતાના 5 કરોડથી વધારે ગ્રાહકો માટે એક સુવિધા લોન્ચ કરી છે. આ સુવિધા હેઠળ હોલ્ડર પોતાના પીએફ એકાઉંટનું બેલેન્સ ઓનલાઇન જોઇ શકે છે. તેના માટે તેમને માત્ર 5 મિનિટ સુધીનો સમય લાગે છે.

પીએફ એકાઉંટનું બેલેંસ ઓનલાઇન જોવા માટે આપને ઇપીએફ એકાઉંટની ખબર હોવી જોઇએ, જે આપણી સેલેરી સ્લીપમાં લખેલું હોય છે. બાદમાં ઇપીએફઓની વેબસાઇટ http://www.epfindia.gov.in પર જવાનું છે. જ્યાં Know Your EPF Balance પર ક્લિક કરીને, રાજ્યની પસંદગી કરવાની રહે છે.

આપનો પીએફ નંબર એક આલ્ફા ન્યૂમેરિક નંબર છે અને પહેલા 2 લેટર ક્ષેત્રીય કાર્યાલય માટે છે. ઓનલાઇન ફોર્મમાં પોતાનું નામ, મોબાઇલ નંબર અને પોતાનો પીએફ નંબર નાખવો પડશે. જાણકારી સંપૂર્ણ રીતે સાચી ભર્યા બાદ 5 મિનિટની અંદર આપને એક એસએમએસ મળી જશે. જો આપના પીએફ એકાઉંટ અંગેની જાણકારી પીએફ કાર્યાલયમાં હશે તો આપને બેલેંસની જાણકારી મળશે નહીંતર data not found નો એસએમએસ આવશે. જો આ સંદેશ આવશે તો આપને આપના એમ્પલોયરનો સંપર્ક કરવો પડશે અથવા આપનો ડેટા અપડેટ થવા સુધી રાહ જોવી પડશે.

English summary

Employees provident fund organisation provide option to check you PF balance online.