કેવી રીતે Exposed થયા કેજરીવાલ જુઓ વીડિયોમાં...

Updated: Wednesday, March 19, 2014, 18:18 [IST]

19 માર્ચ: હાલમાં દેશ આવતા મહીને યોજાનારી લોકસભા ચૂંટણીના પગલે રાજકીય માહોલમાં ડૂબેલો છે. દરેક પાર્ટીઓ અને તેના નેતાઓ પ્રચાર પ્રસારમાં લાગી ગયા છે. જોકે આ વખતે દેશમાં સૌથી વધારે લોકપ્રિય નેતા તરીકે ભાજપના વડાપ્રધાન પદના ઉમેદવાર નરેન્દ્ર મોદી ઊભરી આવ્યા છે. આની સાથે જ દેશમાં નવી પાર્ટી તરીકે સામે આવેલી અરવિંદ કેજરીવાલની આમ આદમી પાર્ટી અને અરવિંદ કેજરીવાલ બંને પણ ખૂબ ચર્ચામાં છે.

અરવિંદ કેજરીવાલે જ્યારે દિલ્હી વિધાનસભાની ચૂંટણીમાં ઐતિહાસિક વિજય મેળવ્યો અને કોંગ્રેસની મદદ થકી દિલ્હીમાં પોતાની સરકાર પણ બનાવી. જોકે તેમણે આ સરકાર માત્ર 49 દિવસ જ ચલાવી, જેમાં પણ તેમણે ઇતિહાસ રચ્યો કારણ કે આ પહેલા દેશના કોઇપણ મુખ્યમંત્રીએ માત્ર 49 દિવસની અંદર સત્તા છોડી હોય અને પોતાની જ સત્તામાં મુખ્યમંત્રી પોતે ધરણા પર બેસ્યા હોય. જોકે વિરોધીઓ આને માત્ર અરવિંદ કેજરીવાલનું પોલિટિક્સ ડ્રામા ગણાવે છે.

અરવિંદ કેજરીવાલ દ્વારા દિલ્હીની રાજગાદી છોડ્યા બાદ જાણે કે તેમના નસીબે પણ તેમનો સાથ જોડી દીધો હોય તેમ એક પછી એક વિવાદમાં તેઓ સપડાતા ગયા, અથવા તો વિરોધીઓની ભાષામાં કહીએ તો એક પછી એક કેજરીવાલના અસલી ચહેરા સામે આવતા ગયા. પોતાની નાનકડી રાજકીય કારકિર્દીમાં અરવિંદ કેજરીવાલ આમ આદમી સામે કેવા હતા, કેમેરા સામે કેવા હતા તેમ જ કેમેરા પાછળ કેવા હતા તેને લઇને તેઓ અનેકોવાર મીડિયામાં ઊઘાડા પડી ચૂક્યા છે. જોકે મીડિયા દ્વારા તેમને ખુલ્લા પડાતા તેમણે મીડિયા પર જ હુમલો કરી દીધો.

પોતાની નાનકડી રાજનૈતિક કારકિર્દીમાં કેટલી વખત અને કેવી રીતે Exposed થતા રહ્યા છે અરવિંદ કેજરીવાલ જુઓ આ વીડિયોમાં...