મણિપુરમાં મહિલાઓ સાથે હેવાનિયત કરનારાઓને ફાંસીની સજા થાય-અન્ના હજારે
મણિપુરમાં હેવાનિયતના એક પછી એક વીડિયો સામે આવી રહ્યા છે. મહિલાઓ સાથે હેવાનિયતનો વીડિયો વાયરલ થયા બાદ હવે લોકોમાં ગુસ્સાનો માહોલ છે ત્યારે અન્ના હજારેએ પણ આ હેવાનો માટે કડક સજાની માંગ કરી છે.
મણિપુરમાં મહિલાઓના વીડિયોને લઈને નરેન્દ્ર મોદી સરકારના ભેદી મૌનથી સમગ્ર દેશમાં ભારે ગુસ્સો છે. આ શરમજનક ઘટના પર વિપક્ષ કેન્દ્ર સરકાર અને મણિપુર સરકારની આકરી ટીકા કરી રહ્યું છે ત્યારે અન્ના હજારેએ પણ આ ઘટના પર આકરી પ્રતિક્રિયા આપી છે.
આ ઘટનાને લઈને ગુસ્સો વ્યક્ત કરતા અન્ના હજારેએ મહિલાઓના કપડાં ઉતરાવનારા આરોપીઓ માટે ફાંસીની સજાની માંગ કરી છે. અન્ના હજારેએ કહ્યું કે, આ મહિલા અમારી માતા અને બહેન છે, આ ઘટનામાં સંડોવાયેલા હેવાનોને ફાંસી આપવામાં આવે.
અન્ના હજારેએ કહ્યું કે, મણિપુરની ઘટનામાં સંડોવાયેલા ગુનેગારોને ફાંસીની સજા થવી જોઈએ. આવા હેવાનોને ફાંસી આપવામાં આવે. આ ઘટના પુરી માનવતા પર એક કલંક સમાન છે.
અહીં તમને જણાવી દઈએ કે, મણિપુર હિંસાનો એક વીડિયો ઈન્ટરનેટ પર વાયરલ થયો હતો. આ વીડિયોમાં કેટલાક હેવાનો બે આદિવાસી મહિલાઓને નગ્ન અવસ્થામાં પરેડ કરાવતા જોવા મળ્યા હતા. અહેવાલો અનુસાર, આ પરેડ બાદ મહિલાઓ સાથે બળાત્કાર પણ કરવામાં આવ્યો હતો.
Click it and Unblock the Notifications
Sign in with Google
