ભારતે તૂટેલા અને ઑર્ગેનિક નૉન બાસમતી ચોખાના નિકાસ પરથી હટાવી રોક, 150 દેશોએ લીધો રાહતનો શ્વાસ

હવે તાજેતરની સ્થિતિને જોતા ભારતે ઑર્ગેનિક નૉન બાસમતી ચોખાના નિકાસ પરનો પ્રતિબંધ હટાવી દીધો છે.

Ban Lifts On Rice: ભારત સરકારે સપ્ટેમ્બરમાં સ્થાનિક સ્ટૉક અને વર્તમાન ખરીફ સિઝનમાં ડાંગરના ઓછા ઉત્પાદનની આશંકાને ધ્યાનમાં રાખીને ચોખાની અમુક શ્રેણીઓની નિકાસ પર પ્રતિબંધ મૂક્યો હતો. વિશ્વના ઘણા દેશો માટે તેને સંકટ માનવામાં આવતુ હતુ પરંતુ હવે તાજેતરની સ્થિતિને જોતા સરકારે આ પ્રતિબંધ હટાવી દીધો છે. આ નિર્ણય બાદ પહેલાની જેમ તૂટેલા ચોખા સહિત ઓર્ગેનિક નૉન-બાસમતી ચોખાની આયાત કરી શકાશે. જેના કારણે ઘણા દેશોએ રાહતનો શ્વાસ લીધો છે.

ડિરેક્ટોરેટ જનરલ ઑફ ફોરેન ટ્રેડે આ મામલે મંગળવારે એક નોટિફિકેશન બહાર પાડ્યુ હતુ. તેમણે પોતાના આદેશમાં જણાવ્યુ હતુ કે ઓર્ગેનિક નોન-બાસમતી ચોખા સહિત ઓર્ગેનિક નોન-બાસમતી ચોખાની નિકાસ ફરી શરૂ કરવાની મંજૂરી આપવામાં આવશે. આ તે જ નિયમો હેઠળ કરવામાં આવશે જે સપ્ટેમ્બર પહેલા અમલમાં હતા. ઑલ ઈન્ડિયા રાઇસ એક્સપોર્ટર્સ એસોસિએશનના પૂર્વ પ્રમુખ વિજય સેટિયાએ સરકારના પગલાંને સમર્થન આપ્યુ છે. તેમણે કહ્યુ કે છેલ્લા કેટલાક વર્ષોથી ઓર્ગેનિક બાસમતી અને નૉન-બાસમતી ચોખાની નિકાસ ઝડપથી વધી રહી છે, આ સ્થિતિમાં સરકારે યોગ્ય નિર્ણય લીધો છે.

તમને જણાવી દઈએ કે ચીન વિશ્વમાં ચોખાનુ સૌથી મોટુ ઉત્પાદક છે. આ પછી ભારતનો નંબર આવે છે. ઘણા દેશોમાં તૂટેલા ચોખાનો ઉપયોગ આલ્કોહોલ અને ઇથેનોલ ઉદ્યોગોમાં થાય છે. આ ઉપરાંત પ્રાણીઓને લગતા ઉદ્યોગમાં પણ તેની ખૂબ માંગ છે. આવી સ્થિતિમાં ઓછી ઉપજની આશંકાને કારણે સરકારે નિકાસ બંધ કરી દીધી હતી. જેથી દેશના વપરાશને પહેલા મળી શકે. યુક્રેન યુદ્ધ, દુષ્કાળ અને ઓછી ઉપજને કારણે સમગ્ર વિશ્વ પરેશાન છે. ભારત 150 દેશોમાં ચોખાની નિકાસ પણ કરે છે. તેથી જ્યારે તેણે આ નિર્ણય લીધો ત્યારે તમામ દેશોનુ ટેન્શન વધી ગયુ હતુ. ત્યારથી તેઓ ભારત સરકારને આ નિર્ણય પર વિચાર કરવા વિનંતી કરી રહ્યા હતા.

English summary

Indian govt. lifts export ban on organic non basmati rice.