સંસદમાં હંગામો, પાક વિરુદ્દ નિંદા પ્રસ્તાવની માંગ

By Super

Updated: Tuesday, February 10, 2015, 14:54 [IST]

નવી દિલ્હી, 14 ઑગસ્ટઃ ફરી એકવાર પાકિસ્તાને પોતાના બેવડા ધોરણનો નમૂનો રજૂ કર્યો છે. એક તરફ પ્રધાનમંત્રી નવાજ શરીફ ભારત સાથે શાંતિ મંત્રણાની વાતો કરી રહ્યાં છે અને બીજી તરફ પાકિસ્તાનની નેશનલ એસેમ્બલીમાં એક પ્રસ્તાવ પારિત કરવામાં આવ્યો અને ભારતીય સૈનિકો પર કોઇપણ પ્રકારની ઉશ્કેરણી વગર સરહદ પર ગોળીબાર કરવાનો આરોપ લગાવવામાં આવ્યો છે. નેશનલ એસેમ્બલીમાં કાશ્મિરીઓના સંઘર્ષમાં મદદને લઇને પણ સહમતિ બની છે. પાકિસ્તાનની દાદાગીરીથી સંસદમાં ધમાલ મચી છે. કોંગ્રેસ નેતા કમલનાથે કહ્યું છે કે, પાકના પ્રસ્તાવની નિંદા કરવામાં આવે. પાકિસ્તાન વિરુદ્ધ નિંદા પ્રસ્તાવ લાવવામં આવશે અને પાકના પ્રસ્તાવ અંગે સ્પીકર સાથે ચર્ચા કરવામાં આવશે.

નોંધનીય છે કે આ પ્રસ્તાવ સત્તારૂઢ પીએમએલ એનના વરિષ્ઠ નેતા અને વિજ્ઞાન તથા ટેક્નોલોજીના મંત્રી જાહિદ હામિદે રજૂ કર્યો હતો. પ્રસ્તાવમાં ભારત સાથે સારા સંબંધો માટે રચનાત્મક પગલાં ઉઠાવવા અને નિયંત્રણ રેખા પર સંઘર્ષ વિરામ સુનિશ્ચિત કરવાને લઇને નવાજ શરીફ તરફથી વ્યક્ત કરવામાં આવેલી પ્રતિબદ્ધતાનો પણ ઉલ્લેખ કરવામાં આવ્યો હતો. પ્રસ્તાવમાં કહેવામાં આવ્યું છેકે પાકિસ્તાન પાડોશી દેશ સાથે શાંતિ પ્રક્રિયા રાબેતા મુજબ રાખવા માટે પ્રતિબદ્ધ જરૂર છે, પરંતુ પોતાની સંપ્રભુતા, સીમાઓ અને રાષ્ટ્રિય હિતોની રક્ષા પ્રત્યે પણ અડગ છે. નીચલા સદનમાં પ્રસ્તાવને આમ સહમતિ સાથે પારિત કરી દેવામાં આવ્યો.

નીચલી સદને નવી દિલ્હીમાં પાકિસ્તાની ઉચ્ચાયુક્ત પર હુમલો, પીઆઇ ઓફિસ બહાર પ્રદર્શનો અને પાકિસ્તાન આવી રહેલી બસને રોકવામાં આવેલા પ્રયત્નોની પણ ટીકા કરવામાં આવી. નેશનલ એસેમ્બલીએ કહ્યું કે, પાકિસ્તાન કાશ્મિરીઓને રાજકિય અને નૈતિક સમર્થન ચાલું રાખશે.