પાયલેટોની અછતને કારણે ઇન્ડિગોએ ફરી 30 ફ્લાઈટ કેન્સલ કરી

પ્રખ્યાત એરલાઇન કંપની ઈન્ડિગોએ ફરીથી 30 ફ્લાઇટ્સ રદ કરી છે. પાઈલટોની અછતને લીધે, ઈન્ડિગોએ મંગળવારે 30 થી વધુ ફ્લાઇટ્સ રદ કરી હતી. ફક્ત બે દિવસમાં 60 થી વધુ ફ્લાઇટ્સ રદ કરવામાં આવી છે. કેટલાક મુસાફરો કહે છે કે ફ્લાઇટ રદ કરવાથી છેલ્લા મિનિટમાં ઊંચા ભાવે ટિકિટ ખરીદવાની ફરજ પડી છે.

એરલાઇન્સ તરફથી એવું કહેવામાં આવ્યું છે કે દરરોજ આશરે 30 ઉડાનો અસરગ્રસ્ત થશે અને આગામી થોડા દિવસો સુધી ચાલુ રહેશે. સોમવારે એરલાઇને 32 ફ્લાઇટ્સ રદ કરી હતી, જેના કારણે સેંકડો મુસાફરોને મુશ્કેલીઓનો સામનો કરવો પડ્યો હતો. છેલ્લી વાર, મુસાફરોને વૈકલ્પિક વિમાન માટે વધુ ચૂકવણી કરવી પડશે.

સમગ્ર કેસમાં, એક વરિષ્ઠ અધિકારીએ જણાવ્યું હતું કે ડીજીસીએ ફ્લાઇટ રદ્દ કરવાના મુદ્દા તરફ ધ્યાન આપી રહી છે. મંગળવારે 30 ફ્લાઇટ્સ રદ કરવામાં આવી હતી, તેમાંથી મોટા ભાગની ફ્લાઈટ્સ કોલકાતા, હૈદરાબાદ અને ચેન્નઈ તરફ જવાની હતી. મુસાફરો ઘ્વારા આરોપ છે કે છેલ્લા સમયે મોંઘી ટિકિટ ખરીદવા માટે ઈન્ડિગો ફરજ પાડે છે. ઈન્ડિગો અને ડીજીસીએને પણ આ બાબતે પ્રશ્નો પૂછવામાં આવ્યા છે.

રવિવારના રોજ, એરલાઇને ખરાબ હવામાનનો ઉલ્લેખ કર્યો હતો. યાત્રીઓને થઇ રહેલી અસુવિધા પર ઈન્ડિગો ઘ્વારા જણાવવામાં આવ્યું હતું કે ટાઈમ ટેબલ ઠીક કર્યા પછી કેટલાક પાયલોટ અને ફ્લાઈટના સમયમાં બદલાવ કરવામાં આવ્યો છે. ધ્યાન આપવા જેવી બાબત છે કે છેલ્લા શનિવારથી ઈન્ડિગો ફ્લાઈટ કેન્સલ કરી રહી છે.

English summary

IndiGo Cancels 30 Flights due to lack of pilots