Chandrayaan 3 : મળો ચંદ્રયાનને ચાંદ સુધી પહોંચાડનારા ઈસરોના મહત્વના ચહેરાઓને

ભારતનું ચંદ્રયાન 3 ચંદ્ર પર પહોંચવાની તૈયારીમાં છે. 23 ઓગસ્ટના રોજ ચંદ્રયાન ચંદ્રની ધરતી પર પગ મુકવા જઈ રહ્યું છે ત્યારે અમે તમને આ ચંદ્રયાનને સફળ બનાવનારા ઈસરોના વૈજ્ઞાનિકો વિશે જણાવવા જઈ રહ્યા છીએ. આ વૈજ્ઞાનિકોના યોગદાનને કારણે આપણે ચાંદ પર ઉતરવા જઈ રહ્યા છીએ.

ભારતનું ચંદ્રયાન 3 ચાંદ પર ઉતરે તે પહેલા ઈસરો ચીફ એસ. સોમનાથ સહિતના વૈજ્ઞાનિકો તિરૂપતી મંદિર પહોંચ્યા હતા અને સફળતા માટે કામના કરી હતી. ચંદ્રયાન 3 પાછળ ઇસરોના કેટલાક વૈજ્ઞાનિકોનું ખાસ યોગદાન છે.

એસ. સોમનાથ
ઈસરો અધ્યક્ષ એસ. સોમનાથ ભારતના મુન મિશનના માસ્ટરમાઇન્ડ્સમાંથી એક છે. તેમણે ચાર્જ સંભાળ્યો ત્યારથી ચંદ્રયાન-3, આદિત્ય-એલ1 અને ગગનયાન જેવા મહત્વના મિશનને વેગ મળ્યો છે.

પી વીરમુથુવેલ - પ્રોજેક્ટ ડાયરેક્ટર, ચંદ્રયાન-3
પી વીરમુથુવેલે 2019માં ચંદ્રયાન-3 પ્રોજેક્ટ ડિરેક્ટર તરીકેનો કાર્યભાર સંભાળ્યો હતો. તેમણે ISRO હેડક્વાર્ટર ખાતે સ્પેસ ઈન્ફ્રાસ્ટ્રક્ચર પ્રોગ્રામ ઓફિસમાં ડેપ્યુટી ડિરેક્ટર તરીકે પણ સેવા આપી છે. વીરમુથુવેલે ચંદ્રયાન-2 મિશનમાં પણ મહત્વની ભૂમિકા ભજવી હતી.

એસ. ઉન્નીકૃષ્ણન નાયર - નિયામક, વિક્રમ સારાભાઈ સ્પેસ સેન્ટર
એસ ઉન્નીકૃષ્ણન નાયર VSSC ના વડા અને LVM3 રોકેટના સર્જક છે. તે અને તેમની ટીમ મિશનના વિવિધ નિર્ણાયક પાસા માટે જવાબદાર છે.

એમ શંકરન - નિયામક UR રાવ સેટેલાઇટ સેન્ટર
એમ શંકરન UR રાવ સેટેલાઇટ સેન્ટરમાં ડિરેક્ટર છે. આ કેન્દ્ર ISRO માટે ભારતના તમામ ઉપગ્રહો બનાવે છે. હાલ શંકરન દેશની જરૂરિયાતોને પહોંચી વળવા ઉપગ્રહો બનાવતી ટીમને માર્ગદર્શન આપી રહ્યા છે.

એ રાજરાજન - ચેરમેન, લોન્ચ ઓથોરાઈઝેશન બોર્ડ
એ રાજરાજન એક પ્રતિષ્ઠિત વૈજ્ઞાનિક છે અને હાલ ભારતના પ્રીમિયર સ્પેસપોર્ટ શ્રીહરિકોટાના સતીશ ધવન સ્પેસ સેન્ટર ડિરેક્ટર છે. રાજરાજન કમ્પોઝિટ નિષ્ણાત છે. આ સિવાય મુખ્ય અધિકારીઓમાં મિશન ડિરેક્ટર મોહન કુમારની આગેવાની હેઠળની ટીમનો સમાવેશ થાય છે.

English summary

ISRO scientist list who contributed in chandrayaan 3 mission