Gaganyaan mission: મિશન ગગનયાનની પહેલી ટ્રાયલ હોલ્ડ પર, જાણો TV-D1 રૉકેટ લૉન્ચ કેમ અટકાવાયુ?

Updated: Saturday, October 21, 2023, 9:23 [IST]

Gaganyaan mission (TV-D1 Test Flight) ISRO: ઈન્ડિયન સ્પેસ રિસર્ચ ર્ગેનાઈઝેશન (ISRO) આજે મનુષ્યને અવકાશમાં મોકલવા માટેના તેના મહત્વાકાંક્ષી મિશન 'ગગનયાન મિશન'ની પ્રથમ ટ્રાયલ પૂર્ણ કરી શક્યું નથી.

કેટલીક ટેકનિકલ ખામીને કારણે, ગગનયાનનું પ્રથમ ઉડાન પરીક્ષણ વાહન એબોર્ટ મિશન-1 એટલે કે ટીવી-ડી1 રોકેટ સવારે 8:30 વાગ્યે આંધ્રપ્રદેશના શ્રીહરિકોટાથી લોન્ચ થઈ શક્યું ન હતું. ઈસરોના વડા એસ સોમનાથે આ માહિતી આપી છે.

ગગનયાનના પ્રથમ પરીક્ષણ વાહન એબોર્ટ મિશન-1 (ટીવી-ડી1) નું પ્રક્ષેપણ અટકાવી દેવામાં આવ્યું હોવાની માહિતી આપતા ઈસરોના વડા સોમનાથે જણાવ્યું હતું કે, "લિફ્ટ-ઑફનો પ્રયાસ આજે થઈ શક્યો નથી. વાહન સુરક્ષિત છે. અમે ટૂંક સમયમાં પાછા આવીશુ. જે કમ્પ્યુટર કામ કરી રહ્યું છે તેણે લૉન્ચ કરવાનું અટકાવી દીધું છે. અમે તેને ઠીક કરીશું અને ટૂંક સમયમાં લૉન્ચ શિડ્યૂલ કરીશું.''

#WATCH | Gaganyaan’s First Flight Test Vehicle Abort Mission-1 (TV-D1) launch on hold

ISRO chief S Somnath says, The lift-off attempt could not happen today...engine ignition has not happened in the nominal course, we need to find out what went wrong. The vehicle is safe, we… pic.twitter.com/wIosu113oT
— ANI (@ANI) October 21, 2023

ચંદ્રયાન-3 મિશન અને સૂર્યના મિશન આદિત્ય-એલ1ના સફળ પ્રક્ષેપણ પછી આ ઈસરોનું સૌથી મોટું મિશન છે. ISRO ચંદ્ર અને સૂર્ય પછી આકાશને નિયંત્રિત કરવા માંગે છે. ટીવી-ડી1 રોકેટના પ્રક્ષેપણ દ્વારા સુરક્ષિત ઉતરાણનું પરીક્ષણ કરવામાં આવશે. ઈસરો માટે સૌથી મોટો પડકાર ગગનયાન મિશન પર જઈ રહેલા ક્રૂ મેમ્બર્સને સુરક્ષિત રીતે લેન્ડ કરાવવાનો છે.

આ માટે, ISRO એ એર ડિલિવરી રિસર્ચ એન્ડ ડેવલપમેન્ટ એસ્ટાબ્લિશમેન્ટ (ADRDE) દ્વારા પુનઃપ્રાપ્તિ પ્રણાલી બનાવી છે, જે અત્યાર સુધીની સિસ્ટમ કરતાં અનેકગણી સારી છે. આ ક્રૂ મોડ્યુલ રિકવરી સિસ્ટમમાં 10 પેરાશૂટ છે. આ મોડ્યુલ પરત ફરતી વખતે ક્રૂ મેમ્બરને સુરક્ષિત રીતે લેન્ડ કરવામાં મદદ કરશે. આ ટ્રાયલ પહેલા આ સિસ્ટમનું જમીન અને સમુદ્ર પર સફળતાપૂર્વક પરીક્ષણ કરવામાં આવ્યું છે.