આવકથી વધુ સંપત્તિ કેસ : જયલલિતાને 4 વર્ષ જેલની સજા, CM પદ ગુમાવશે

Subscribe to Oneindia News
For Quick Alerts
ALLOW NOTIFICATIONS
For Daily Alerts

    બેંગલોર, 26 સપ્ટેમ્બર : આવકથી વધારે સંપત્તિ કેસમાં આજે બેંગલોર સ્થિત એક વિશેષ અદાલતે તમિલનાડુના વર્તમાન મુખ્યમંત્રી જયરામ જયલલિતાને દોષિત ઠેરવ્યા બાદ 4 વર્ષ જેલની સજા ફરમાવી છે. આ ઉપરાંત કોર્ટે તેમના પર 100 કરોડનો દંડ પણ ફટકાર્યો છે. સજા સંભલાવતા જ જયલલિતાને હાર્ટ પેઇન ઉપડ્યું હતું. તેમને હોસ્પિટલમાં દાખલ કરવામાં આવ્યા છે.

    નોંધનીય છે કે વર્ષ 1996માં બહાર આવેલા આ કેસમાં જયલલિતાની સાથે તેમના સહયોગી શશિકલા, તેમના દત્તક પુત્ર સુધાકરણ (જેમને પાછળથી તેમણે ત્યાગી દીધા હતા) અને શશિકલાની ભાણી ઇલાવર્સીને પણ દોષિત ગણાવ્યા છે.

    jayalalitha-603

    જયલલિતા ઉપર 18 વર્ષ પહેલા આવકથી વધુ સંપત્તિ કેસમાં એફઆઇઆર દાખલ કરવામાં આવી હતી. આ કેસ ત્યારે દાખલ કરવામાં આવ્યો હતો, જ્યારે તેઓ પ્રથમવાર મુખ્યમંત્રી બન્યા હતા. વર્તમાન સમયમાં તેઓ ત્રીજી વાર તમિલનાડુના મુખ્યમંત્રી બન્યાં છે. લોકસભામાં પણ તેમની પાર્ટી એઆઇએડીએમકેના 37 સભ્યો છે.

    સુપ્રીમ કોર્ટ તરફથી આ કેસમાં નિષ્પક્ષ સુનવણી યોજવા માટે બેંગલોરમાં એક વિશેષ કોર્ટની રચના નવેમ્બર 2003માં કરવામાં આવી હતી. આ કોર્ટમાં એ બાબતનો નિર્ણય લેવાનો હતો કે શું જયલલિતાની પાસે 1991થી 1996 દરમિયાવ 66.6 કરોડની સંપત્તિ તેમની આવકના જાહહેર સ્રોતોની સરખામણીએ વધારે હતી કે નહીં?

    આ કેસમાં ભ્રષ્ટાચારના આરોપો લગાવવામાં આવ્યા છે. જેના કારણે આ કેસમાં તેઓ પહેલા પણ એક વાર પોતાના મુખ્યમંત્રી પદ પરથી રાજીનામુ આપી ચૂક્યા છે. આજના ચૂકાદાને પગલે તેમણે ફરી એકવાર વિધાનસભાનું સભ્યપદ અને તમિલનાડુના મુખ્યમંત્રી તરીકેનું પદ ગુમાવવું પડશે.

    આ પણ વાંચો : આવકથી વધુ સંપત્તિ કેસ : રાજકારણમાં ટકી રહેવા જયલલિતાએ આ 15 ગૂંચવાડા ઉકેલવા પડશે

    English summary
    Jayalalitha sentenced 4 years jail in disproportionate assets case.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more