Jharkhand Election 2024 : ઝારખંડની 10 સીટો પર ચૂંટણી લડશે હિન્દુસ્તાન આવામ મોર્ચા, જીતનરામ માંઝીની જાહેરાત
Jharkhand Assembly Election 2024 : ઝારખંડ વિધાનસભા ચૂંટણીની જાહેરાત પહેલા જ હિન્દુસ્તાની આવામ મોર્ચાના જીતનરામ માંઝીએ મોટી જાહેરાત કરી છે.
જીતનરામ માંઝીની હિન્દુસ્તાન આવામ મોર્ચાએ જાહેરાત કરી છે કે તેમની પાર્ટી ઝારખંડની 10 સીટો પર ચૂંટણી લડશે.
કેન્દ્રીય મંત્રી જીતનરામ માંઝીએ કહ્યું કે, અમે એનડીએનો ભાગ છીએ તેથી સીટ વહેંચણીના નિર્ણયનું પાલન કરીશું અને અમને જે પણ સીટ મળશે તેના પર ચૂંટણી લડીશું. પરંતુ એ વાત નિશ્ચિત છે કે HAM ઝારખંડમાં ચોક્કસ ચૂંટણી લડશે.
આ દરમિયાન તેમણે ઝારખંડમાં ઓછામાં ઓછી 10 સીટો પર ચૂંટણી લડવાની ઈચ્છા વ્યક્ત કરી. જણાવી દઈએ કે, જીતનરામ માંઝી દલિત તરફી નીતિઓની હિમાયત કરવા માટે જાણીતા છે, જે બિહાર અને પડોશી વિસ્તારોમાં ચૂંટણીઓને નોંધપાત્ર રીતે પ્રભાવિત કરે છે. માંઝી પોતે મુસહર દલિત જાતિના છે.
અહેવાલો અનુસાર, જીતનરામ માંઝી 2014થી ગયા લોકસભા ક્ષેત્રમાં સીટ મેળવવાનો પ્રયાસ કરી રહ્યા છે પરંતુ તેમને સફળતા મળી નહોતી. જો કે, 2024 માં તેમની મહેનત ફળી અને તેમણે ગયા લોકસભા મતવિસ્તારમાંથી સીટ મેળવીને તેમની રાજકીય કારકિર્દીમાં એક સીમાચિહ્ન હાંસલ કર્યું.
જણાવી દઈએ કે, બિહારમાં મુખ્યમંત્રી પદ પર પહોંચતા પહેલા માંઝીએ નીતિશ કુમાર અને લાલુ પ્રસાદ યાદવ બંને હેઠળ મંત્રી તરીકે કામ કર્યું છે અને અનુસૂચિત જાતિ અને અનુસૂચિત જનજાતિના કલ્યાણ પર ધ્યાન કેન્દ્રિત કર્યું હતું.
Click it and Unblock the Notifications
Sign in with Google
