Jharkhand Election 2024 : હરિયાણામાં જે ફેક્ટરે હરાવ્યા તે જ ફેક્ટર કોંગ્રેસ-JMM ને ઝારખંડ જીતાડી શકે છે
Jharkhand election 2024 : હરિયાણા વિધાનસભા ચૂંટણીના પરિણામોએ કોંગ્રેસને મોટો ઝટકો આપ્યો છે. જો કે તેનાથી વિપરીત આ પરિણામો બાદ કોંગ્રેસના ઝારખંડમાં આશા દેખાઈ છે.
કોંગ્રેસ આ હારને પચાવી નથી શકી પરંતુ તેને જે ફેક્ટરે હરાવ્યા તેને લઈને ઝારખંડમાં પાર્ટીને ઉમ્મીદ જાગી છે. સત્તાધારી ઝારખંડ મુક્તિ મોર્ચા અને કોંગ્રેસ ગઠબંધન હવે એ જ ફેક્ટરને પોતાના પક્ષમાં કરવા કામે લાગ્યુ છે.
હરિયાણાના પરિણામો બાદ ઝારખંડ મુક્તિ મોર્ચા અને કોંગ્રેસને લાગે છે કે હરિયાણામાં પ્રો-ઇન્કમ્બન્સીએ ભાજપની તરફેણમાં કામ કર્યું છે, જે આગામી ઝારખંડની ચૂંટણીમાં તેની તરફેણમાં કામ કરી શકે છે.
ઝારખંડમાં મુખ્યમંત્રી હેમંત સોરેનની આગેવાનીમાં ઝારખંડ મુક્તિ મોરચા, કોંગ્રેસ અને આરજેડીની ગઠબંધન સરકાર છે. અહીં બહુ જલ્દી વિધાનસભા ચૂંટણીની જાહેરાત થઈ શકે છે. શક્ય છે કે મહારાષ્ટ્ર અને હરિયાણામાં એકસાથે ચૂંટણી થાય.
એક તરફ CM હેમંત સોરેન ભ્રષ્ટાચારના આરોપમાં જેલમાંથી પરત ફર્યા છે. તેમના સૌથી મહત્વપૂર્ણ સહયોગી અને પૂર્વ સીએમ ચંપાઈ સોરેન તેમને છોડીને વિપક્ષ ભાજપમાં જોડાયા છે. પડકારો મોટા છે પરંતુ હરિયાણાના પરિણામોએ ગઠબંધનના નેતાઓને નવી આશા આપી છે.
હાલની સ્થિતીએ ઝારખંડમાં હેમંત સોરેનને લઈને ભારે સહાનુભુતિ છે. બીજી તરફ તેમણે તેમની યોજનાઓનો જોરસોરથી પ્રચાર શરૂ કર્યો છે. આ તમામ ફેક્ટર પાર્ટીને ફાયદો કરાવી શકે છે.
સીએમ હેમંત સોરેને પોતાની સરકારની સફળતાની ગણતરી શરૂ કરી દીધી છે. એક્સના માધ્યમથી તેમણે મૈયા સન્માન યોજના, લોન માફી, મફત વીજળી અને સમયસર પરીક્ષાઓ યોજવાનો દાવો કરીને સરકાર જનતાના હિત માટે કામ કરવામાં વ્યસ્ત છે તે બતાવવાનો પ્રયાસ કર્યો છે.
Click it and Unblock the Notifications
Sign in with Google
