ભાજપે અરુણાચલ પ્રદેશ ચૂંટણી માટે જાહેર કર્યો ચૂંટણી ઢંઢેરો, 25000 નોકરીઓ, LPG સિલિન્ડર 400 રુપિયામાં...

Published: Wednesday, April 10, 2024, 14:49 [IST]

Lok Sabha Elections 2024: ભાજપના રાષ્ટ્રીય અધ્યક્ષ જેપી નડ્ડાએ અરુણાચલ પ્રદેશ વિધાનસભા ચૂંટણી 2024 માટે પક્ષનો ચૂંટણી ઢંઢેરો બહાર પાડ્યો છે. આ કાર્યક્રમમાં અરુણાચલ પ્રદેશના સીએમ પેમા ખાંડુ પણ હાજર હતા. જાહેરનામામાં સરકારી અને બિનસરકારી ક્ષેત્રોમાં યુવાનો અને મહિલાઓ માટે 25,000 નોકરીઓ અને 400 રૂપિયામાં એલપીજી સિલિન્ડરનું વચન આપવામાં આવ્યું છે.

ભાજપના રાષ્ટ્રીય અધ્યક્ષ જેપી નડ્ડા બુધવારથી અરુણાચલ પ્રદેશ, સિક્કિમ અને આંદામાન નિકોબારના બે દિવસીય ચૂંટણી પ્રવાસ પર છે. બુધવારે અરુણાચલ પ્રદેશ વિધાનસભા ચૂંટણી માટે મેનિફેસ્ટો બહાર પાડ્યા પછી, જેપી નડ્ડા ગુરુવારે સિક્કિમ વિધાનસભા ચૂંટણી માટે ભાજપનુ સંકલ્પ પત્ર (ચૂંટણી ઢંઢેરો) બહાર પાડશે.

ભાજપના 'સંકલ્પ પત્ર'ને બહાર પાડતા, પાર્ટીના રાષ્ટ્રીય અધ્યક્ષ જેપી નડ્ડાએ કહ્યું કે જો રાજ્યમાં તેની સરકાર બનશે, તો પાર્ટી 'ડીટીએચ' મોડેલ પર કામ કરશે જે વિકાસ, પરિવર્તન અને સંવાદિતાનું પ્રતીક છે. ચૂંટણી વચનોની યાદી આપતા, નડ્ડાએ કહ્યું કે પાર્ટી 'અરુણાચલ ગતિ શક્તિ માસ્ટર પ્લાન' અમલમાં મૂકશે જેના હેઠળ સમગ્ર રાજ્યમાં રોડ, રેલ અને એર ઈન્ફ્રાસ્ટ્રક્ચરને પ્રોત્સાહન આપવામાં આવશે.

રાજ્યમાં હાલની શાળાઓ અને શૈક્ષણિક ઈન્ફ્રાસ્ટ્રક્ચરને અપગ્રેડ કરવા માટે રૂ. 1,000 કરોડનું કોર્પસ ફંડ સ્થાપવામાં આવશે. નડ્ડાએ જણાવ્યું હતું કે રાજ્યમાં આરોગ્ય માળખાને વેગ આપવા માટે રૂ. 1,000 કરોડનું બીજું ભંડોળ સ્થાપવામાં આવશે. કિસાન સન્માન નિધિ હેઠળ ખેડૂતોને વર્તમાન રૂ. 6,000ને બદલે રૂ. 9,000ની આર્થિક સહાય મળશે.

નડ્ડાએ કહ્યું કે ભાજપે રાજ્યમાં યુવાનો અને મહિલાઓ માટે સરકારી અને બિનસરકારી ક્ષેત્રોમાં 25,000 નોકરીઓનું વચન આપ્યું છે. આ ઉપરાંત, ઇટાનગરમાં એક આઇટી પાર્ક બનાવવામાં આવશે, જે 2,000 રોજગારીની તકોનું સર્જન કરશે.

ભાજપના વડાએ એવું પણ વચન આપ્યું હતું કે જો આગામી ચૂંટણીમાં સત્તા પર આવશે તો રાજ્યમાં 400 રૂપિયામાં એલપીજી સિલિન્ડર ઉપલબ્ધ કરાવવામાં આવશે. પાર્ટીએ પોલીસ કર્મચારીઓ સહિત સરકારી કર્મચારીઓ માટે આવાસ સુવિધાઓ અપગ્રેડ કરવાનું વચન પણ આપ્યું હતું.

#WATCH | BJP national president JP Nadda releases party's manifesto for Arunachal Pradesh Assembly Election 2024.

Arunachal Pradesh CM Pema Khandu also present at the event. pic.twitter.com/PMuyryyGqC
— ANI (@ANI) April 10, 2024