Kamakhya express accident : ઓડિશામાં કામાખ્યા એક્સપ્રેસના 11 ડબ્બા પાટા પરથી ઉતર્યા, બચાવ અભિયાન લોંચ

Kamakhya express accident : ઓડિશામાં ફરી એક વખત મોટી ટ્રેન દુર્ઘટના સામે આવી છે. અહીં બેંગલુરુ અને આસામ વચ્ચે દોડતી કામાખ્યા એક્સપ્રેસ ટ્રેન નબંર 15551 ના 11 કોચ પાટા પરથી ઉતરી ગયા હોવાના અહેવાલ છે.

આ દુર્ઘટનાને કારણે મુસાફરોમાં ભયનો માહોલ સર્જાયો છે. આ દુર્ઘટના ચૌદ્વાર વિસ્તારમાં મંગુલી પેસેન્જર હોલ્ટ નજીક બની. ઘટનાની જાણ થતા જ NDRF અને મેડિકલ ટીમો બચાવ કામગીરી માટે રવાના કરી દેવાઈ છે.

દુર્ઘટનાને કારણે નીલાચલ એક્સપ્રેસ, ધૌલી એક્સપ્રેસ અને પુરુલિયા એક્સપ્રેસના રૂટ ડાયવર્ટ કરવામાં આવ્યા છે. રેલવે અધિકારીઓ દ્વારા તાત્કાલિક રાહત અને બચાવ કામગીરી શરૂ કરવામાં આવી છે.

ફાયર બ્રિગેડ, એનડીઆરએફ અને મેડિકલ ટીમો ઘટનાસ્થળે તાત્કાલિક પહોંચીને બચાવ કામગીરી હાથ ધરી છે, જેથી ફસાયેલા મુસાફરોને સલામત રીતે બહાર કાઢી શકાય.

ઈસ્ટ કોસ્ટ રેલવેના CPRO અશોક કુમાર મિશ્રાએ મીડિયાને જણાવ્યું કે, અમને કામાખ્યા એક્સપ્રેસ (15551) ના 11 એસી કોચ પાટા પરથી ઉતરી જવાની જાણ થઈ છે.

#WATCH | Cuttack, Odisha: 11 coaches of 12551 Bangalore-Kamakhya AC Superfast Express derailed near Nergundi Station in Cuttack-Nergundi Railway Section of Khurda Road Division of East Coast Railway at about 11:54 AM today. There are no injuries or casualties reported till now. pic.twitter.com/xBOMH4nRRh

— ANI (@ANI) March 30, 2025

સદનસીબે કોઈને ઈજા થઈ નથી અને તમામ મુસાફરો સુરક્ષિત છે. બચાવ માટે અકસ્માત રાહત ટ્રેનો અને તાકીદની મેડિકલ ટીમો મોકલવામાં આવી છે.

આ દુર્ઘટનાને કારણે મુસાફરોમાં ભયનો માહોલ જોવા મળ્યો પરંતુ અધિકારીઓની સમયસરની કામગીરી અને તાકીદના બચાવ પ્રયાસોના કારણે પરિસ્થિતિ નિયંત્રણમાં છે. રેલવે વિભાગ દ્વારા ઘટનાની તપાસ શરૂ કરવામાં આવી છે.

English summary

Kamakhya Express Accident: 11 Coaches Derailed in Odisha, Rescue Operation Launched