તમે મંચ પરથી બોલી રહ્યા હતા ત્યારે લોકો હસતા હતાઃ પ્રકાશ રાજ
ફરીથી એકવાર જાણીતા અભિનેતા અને કાર્યકર્તા પ્રકાશ રાજે પ્રધાનંત્રી નરેન્દ્ર મોદી પર નિશાન તાક્યુ છે.
ફરીથી એકવાર જાણીતા અભિનેતા અને કાર્યકર્તા પ્રકાશ રાજે પ્રધાનંત્રી નરેન્દ્ર મોદી પર નિશાન તાક્યુ છે. તેમણે કહ્યું કે જ્યારે પીએમ મંચ પરથી બોલી રહ્યા હતા તે દરમિયાન લોકો તેમના પર હસી રહ્યા હતા. તમને જણાવી દઈએ કે પીએમ મોદી હાલમાં કર્ણાટકના પ્રવાસે છે, તેમણે 1 મે ના રોજ ત્રણ રેલીઓ કરી, આમાંની જ એક રેલીને જ્યારે તેઓ સંબોધિત કરી રહ્યા હતા ત્યારે કેટલાક લોકો બહુ જ અવાજ કરી રહ્યા હતા અને હસતા હતા. બસ આ જ વાતને લઈને આ અભિનેતાએ પીએમ પર નિશાન તાક્યુ.
પ્રકાશ રાજે પીએમ મોદી પર સાધ્યુ નિશાન
આ અનુસંધાનમાં પ્રકાશ રાજે એક ટ્વીટ કરી છે જેમાં તેમણે લખ્યું છે કે ડિયર મોદીજી, આજે જ્યારે આપ કર્ણાટકમાં સ્ટેજ પર ઉભા હતા ત્યારે તમે શું લોકોને તમારા પર હસતા જોયા હતા.
|
પ્રકાશ રાજે કર્યો તીખો સવાલ
તમે બે વિધાનસભા ક્ષેત્રોમાંથી ચૂંટણી લડવા મામલે રાજ્યના મુખ્યમંત્રી સિદ્ધારમૈયા પર કટાક્ષ કર્યો પરંતુ તમે પોતે પણ વારાણસી અને વડોદરાથી ચૂંટણી લડી હતી. સારુ એ તો કહો કે તમે વિકાસના નામ પર વોટ ક્યારે માંગશો? માત્ર પૂછી રહ્યો છું.
ભાજપ તો કેન્સર બની ગયુ છે
ઉલ્લેખનીય છે કે આ કોઈ પહેલી વાર નથી કે જ્યારે પ્રકાશ રાજે આવી રીતે પીએમ મોદી પર નિશાન તાક્યુ હોય. આ પહેલા પર ઘણી વાર પ્રકાશ રાજે પીએમ મોદી, અમિત શાહ અને ભાજપ પર કટાક્ષ કર્યા છે. હદ તો ત્યારે થઈ જ્યારે તેમણે હાલમાં જ કર્ણાટકવાસીઓને વિધાનસભા ચૂંટણીમાં ભાજપને વોટ ન આપવાની અપીલ કરી હતી. તેમણે પક્ષની તુલના કેન્સરની બિમારી સાથે કરી હતી.
12 મે એ કર્ણાટકમાં ચૂંટણી
તેમને જણાવી દઈએ કે 224 સભ્યોની વિધાનસભા બેઠકવાળા કર્ણાટક રાજ્યમાં 12 મે ના રોજ ચૂંટણી છે, પરિણામ 15 મે ને રોજ આવશે. પ્રચાર-પ્રસાર અને જનસંપર્કની જવાબદારી પ્રધાનમંત્રી પોતે સંભાળી રહ્યા છે એટલા માટે જ તેઓ હાલમાં કર્ણાટકના પ્રવાસે છે.
Click it and Unblock the Notifications
Sign in with Google
