Karnataka Election BJP Lost: સીએમ બોમ્મઈએ કર્ણાટકમાં હાર સ્વીકારી, કહ્યુ - 2024માં વાપસી કરીશુ
Karnataka Election BJP Lost: મુખ્યમંત્રી બસવરાજ બોમાઈએ કર્ણાટકમાં ભાજપની હાર સ્વીકારી લીધી છે. તેમણે કહ્યું કે જ્યારે સંપૂર્ણ પરિણામ આવશે ત્યારે અમે તેનું વિગતવાર વિશ્લેષણ કરીશું, વાસ્તવિક આંકડા હજુ આવવાના બાકી છે, આ વલણો છે.
એક રાષ્ટ્રીય રાજકીય પક્ષ તરીકે, અમે માત્ર વિશ્લેષણ જ નહીં પરંતુ ક્યાં ખામી છે તેનું મૂલ્યાંકન પણ કરીશું. અમે જોઈશું કે ક્યાં-ક્યાં ભૂલો થઈ છે, અલગ-અલગ સ્તરે કઈ-કઈ ભૂલો થઈ છે, અમે ફરી એકવાર સંગઠનને સંગઠિત કરીશું અને લોકસભાની ચૂંટણીમાં કમબેક કરીશુ.
તમને જણાવી દઈએ કે ચૂંટણી પંચની વેબસાઈટ પર જે પરિણામો સામે આવ્યા છે તેમાં કોંગ્રેસ 128 સીટો પર આગળ છે જ્યારે ભારતીય જનતા પાર્ટી 68 સીટો પર આગળ છે. જેડીએસની વાત કરીએ તો તે 22 સીટો પર આગળ છે. જ્યારે 4 અપક્ષ ઉમેદવારો આગળ ચાલી રહ્યા છે.
કલ્યાણ રાજ્ય પ્રગતિ પક્ષ અને સર્વોદય કર્ણાટક પક્ષ 1-1 બેઠક પર આગળ છે. નોંધનીય છે કે રાજ્યમાં કુલ 224 વિધાનસભા બેઠકો છે, સંપૂર્ણ બહુમતી માટે 123 બેઠકો જરૂરી છે. પરંતુ કોંગ્રેસ સંપૂર્ણ બહુમતીના આંકથી પણ આગળ જતી જોવા મળી રહી છે.
Click it and Unblock the Notifications
Sign in with Google
