કર્ણાટકમાં ભીષણ માર્ગ અકસ્માત, એક બાળક સહિત 13 લોકોના મોત

Karnataka Road Accident: કર્ણાટકમાં એક મોટો રોડ અકસ્માત સામે આવ્યો છે. અહીં હાવેરી જિલ્લામાં પુણે-બેંગલુરુ નેશનલ હાઈવે પર એક માર્ગ અકસ્માતમાં 13 લોકોએ જીવ ગુમાવ્યા છે. મળતી માહિતી મુજબ, આ અકસ્માત બગડી તાલુકાના ગુંદેનહલ્લી ક્રોસ પાસે થયો હતો. અકસ્માતમાં મૃત્યુ પામેલાઓમાં એક બાળકનો પણ સમાવેશ થાય છે.

માર્ગ અકસ્માતમાં ઘાયલ થયેલા લોકોને હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. આ અકસ્માત ત્યારે થયો જ્યારે ટેમ્પો ટ્રાવેલરે પાછળથી રોડ પર પાર્ક કરેલી લારીને ટક્કર મારી હતી. આ અથડામણ ખૂબ જ ગંભીર હતી. આ અથડામણને કારણે ટ્રાવેલરનો આગળનો ભાગ સંપૂર્ણ કચડાઈ ગયો હતો.

આ અકસ્માતમાં ત્રણ બાળકો અને બે લોકોની હાલત અત્યંત ગંભીર છે અને તેમને હોસ્પિટલમાં દાખલ કરવામાં આવ્યા છે. હાવેરીના એસપી અંશુ કુમાર શ્રીવાસ્તવે જણાવ્યું કે, આ દુર્ઘટના ટેમ્પો ટ્રાવેલર અને લારી વચ્ચે અથડાવાને કારણે થઈ છે.

#WATCH | Haveri, Karnataka | 13 people, including 3 children died and 2 people critically injured after the Tempo Traveller they were travelling in rammed into a parked lorry: Haveri SP Anshu Kumar Srivastava pic.twitter.com/f1JPGgehI8

— ANI (@ANI) June 28, 2024

English summary

Karnataka major road accident, 13 people died including a child